09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ՀՀ ԱՀԾ-ն ՀԱՊԿ անդամ պետություններին կոչ է անում հետևություններ անել
Քաղաքականություն
20.01.2026 | 18:41
Հայաստանի կողմից ՀԱՊԿ անդամության «ապասառեցում», ամենայն հավանականությամբ, տեղի չի ունենա։ Այսպիսի կանխատեսում է արել Քրիստիննե Գրիգորյանի ղեկավարած Արտաքին հետախուզության ծառայությունը։ Գերատեսչության՝ այսօր հրապարակված զեկույցում նշվում է, որ ՀՀ-ի կողմից անդամակցության սառեցման պահպանումը գնահատվում է ՀԱՊԿ-ի՝ որպես տարածաշրջանային անվտանգային կառույցի հեղինակության մարտահրավեր։
Արտաքին հետախուզական ծառայությունը ՀԱՊԿ անդամ մյուս պետություններին առաջարկում է «հետևություներ անել ստեղծված իրավիճակից»։
Հիշեցնենք՝ պաշտոնական Երևանը 2024 թվականին հայտարարեց, որ Հայաստանը սառեցնում է իր մասնակցությունը ՀԱՊԿ-ի միջոցառումներին, ՀՀ-ն հրաժարվեց նաև իր բաժին ֆինանսավորումը հատկացնել այդ կառույցին, տևական ժամանակ չի մասնակցում համատեղ զորավարժություններին, հանդիպումներին, բայց պաշտոնապես չի դիմել ՀԱՊԿ-ից դուրս գալու գործընթաց սկսելու համար։
Նշենք, որ ԱՀԾ-ն իր զեկույցում որևէ ակնարկ կառույցից դուրս գալու վերաբերյալ չի արել։
ՀՀ իշխանությունը ՀԱՊԿ-ին սկսեց քննադատել 2022 թվականին Հայաստանի ինքնիշխան տարածք ադրբեջանական ուժերի ներխուժումից հետո։
ՀԱՊԿ-ը ոչ միայն չմիջամտեց ներխուժմանը, այլև քաղաքական գնահատական չտվեց Ադրբեջանի ագրեսիային։
Նարեկ Կիրակոսյան
