07.09.2026 | 11:52
Ուկրաինական ԱԹՍ-ների հարձակման հետևանքով Պերմում բնակելի շենք է վնասվել․ կա զոհ․ ՏԵՍԱՆՅՈՒԹ
«Կրասնոդարի» մարզիչ․ Չէի ցանկանա, որ Սպերցյանը տեղափոխվեր «Սաութհեմփթոն»
20.01.2026 | 18:27
Ռուսաստանի չեմպիոն «Կրասնոդարի» գլխավոր մարզիչ Մուրադ Մուսաևը պատմել է, որ դեմ է եղել Հայաստանի ազգային հավաքականի ավագ Էդուարդ Սպերցյանի տեղափոխությանը «Սաութհեմփթոն»։ Ամռանն անգլիական ակումբը ցանկանում էր ձեռք բերել 25-ամյա կիսապաշտպանին, սակայն գործարքը տեղի չէր ունեցել։
«Ես չէի ցանկանա, որ Սպերցյանը տեղափոխվեր «Սաութհեմփթոն»։ ՊՍԺ-ի դեպքում այլ կլիներ։ Դա մեծ ակումբ է, որը պայքարում է Չեմպիոնների լիգայում հաղթելու ու այլ տիտղոսների համար։ Այդ դեպքում կարող էի հասկանալ։
Սպերցյանի վրա ճնշում կա Եվրոպա տեղափոխվելու հարցում: Նա կարող է դառնալ ավելի ուժեղ ֆուտբոլիստ, եթե միտքը զբաղված չլինի նման բաներով և ծանրաբեռված լինի միայն մարզումներով»,- «Это футбол, брат» հաղորդման եթերում ասել է Մուրադ Մուսաևը։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 168 հանդիպում, խփել 53 գոլ ու կատարել 45 ասիստ։ Ռուսաստանի ընթացիկ առաջնությունում կիսապաշտպանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
