16.09.2026 | 13:25
Ուկրաինայի պատերազմում զոհվել է ռուս գեներալը, որը Պուտինին զեկուցել էր Կոստանտինովկայի «գրավման» մասին
Արման Ծառուկյան․ Ես մեկ բան կփոխեի UFC-ում
20.01.2026 | 17:22
UFC-ի թեթև քաշային կարգի դասակարգման առաջատար Արման Ծառուկյանը կարծիք է հայտնել փրոմոուշենի քաղաքականության մասին։ Հունվարի 25-ին UFC-ի թեթև քաշային կարգի ժամանակավոր չեմպիոնի տիտղոսի համար մենամարտելու են ամերիկացի Ջասթին Գեյջին ու բրիտանացի Փեդի Փիմբլեթը։
«Ընդհանուր առմամբ, Դենա Ուայթը լավ տղա է։ Սակայն ես մեկ բան կփոխեի UFC-ում։ Եթե մարտիկն արժանի է մենամարտել տիտղոսի համար և ունի բարձր վարկանիշ, պետք է նրան տալ այդ մենամարտը։ Նման բաները չպետք է կախված լինեն սոցցանցերում հայտնիությունից։ Չի կարելի տիտղոսային մենամարտ տալ հետևորդների քանակի շնորհիվ։
Մյուս կողմից, ես նույն կերպ կվարվեի Դենա Ուայթի փոխարեն, որպեսզի գումար վաստակեի»,- One Night with Steiny-ի հետ հարցազրույցում ասել է հայ մարտիկը։
29-ամյա Արման Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
