18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Չեռնոբիլի ատոմակայանն անջատվել է արտաքին էլեկտրամատակարարումից ռուսական հարձակումից հետո. ՄԱԳԱՏԷ
Քաղաքականություն
20.01.2026 | 19:10
Այսօր առավոտյան միջուկային անվտանգության համար կարևոր մի քանի ուկրաինական էլեկտրական ենթակայաններ տուժել են ռուսական լայնածավալ ռազմական գործողությունների հետևանքով, հայտարարել է ՄԱԳԱՏԷ-ի գլխավոր տնօրեն Ռաֆայել Գրոսսին, գրում է BBC-ի ռուսական ծառայությունը։
Նրա խոսքով՝ Չեռնոբիլի ատոմակայանը լիովին անջատվել է արտաքին էլեկտրամատակարարումից։
«ՄԱԳԱՏԷ-ն ակտիվորեն հետևում է իրադարձությունների զարգացումներին՝ գնահատելու դրանց ազդեցությունը միջուկային անվտանգության վրա»,- գրել է Գրոսսին X սոցցանցում։
Ռուս զինվորականները լույս երեքշաբթի գիշերը ևս մեկ զանգվածային հարված են հասցրել Ուկրաինային՝ օգտագործելով հրթիռներ և անօդաչու թռչող սարքեր։ «Ուկրէներգո»-ն հայտարարել է, որ թիրախավորվել են Ուկրաինայի էներգետիկ ցանցի օբյեկտները։
Քաղաքապետ Վիտալի Կլիչկոյի խոսքով՝ Կիևի գրեթե 6000 բազմահարկ շենքեր մնացել են առանց ջեռուցման։ Նա հավելել է, որ հարվածի են ենթարկվել նույն շենքերը, որոնք կորցրել էին ջեռուցումը հունվարի 9-ի նախորդ հարձակումից հետո։ Ռուսաստանի պաշտպանության նախարարությունը հաստատել է Ուկրաինայի էներգետիկ և տրանսպորտային ենթակառուցվածքների օբյեկտների վրա հարվածները։
Թարգմանությունը՝ Էմմա Չոբանյանի
