02.07.2026 | 15:22
Ձեր մեղավորությամբ ՀՀ-ն վերածվել է քաղկալանավայրի՝ բաց երկնքի տակ․ Մանուկյանը դիմեց ֆոն դեր Լայենին․ ՏԵՍԱՆՅՈՒԹ
Լավրովը հայտարարել է, որ ԱՄՆ-ը չի կատարել Mariner լցանավի անձնակազմից երկու ռուսներին ազատ արձակելու խոստումը
Քաղաքականություն
20.01.2026 | 19:33
Ռուսաստանի արտաքին գործերի նախարար Սերգեյ Լավրովը հայտարարել է, որ Միացյալ Նահանգները դեռևս չի կատարել Ատլանտյան օվկիանոսում ԱՄՆ զինված ուժերի կողմից առգրավված Bella 1 (Mariner) լցանավի անձնակազմից ՌԴ երկու քաղաքացիներին ազատ արձակելու խոստումը, գրում է Meduza-ն։
«Երբ իմացանք, որ լցանավը գրավվել է, մենք շտապ խնդրանքով դիմեցինք ամերիկյան կողմին. մեր գերակա խնդիրը մեր քաղաքացիների ազատ արձակումն էր։ Նրանք երկուսն են։ Մեզ, ըստ էության, նույն օրը կամ հաջորդ առավոտյան վստահեցրին, որ նրանց ազատ արձակելու որոշումը կայացվել է ամենաբարձր մակարդակով։ Սակայն, ցավոք, հաջորդ օրերը ցույց տվեցին, որ այս որոշումը չի իրականացվում։ Մենք ակնկալում ենք, որ մեր ամերիկացի գործընկերները կկատարեն իրենց խոստումը, որը նրանք փոխանցել են մեզ»,- մամուլի ասուլիսում ասել է Լավրովը։
Հունվարի 9-ին ՌԴ արտաքին գործերի նախարարությունը հայտարարություն էր տարածել, որում պնդում էր, որ ԱՄՆ նախագահ Դոնալդ Թրամփը որոշել է ազատ արձակել լցանավի անձնակազմի երկու ռուսաստանցի անդամներին։
Վաշինգտոնը չի մեկնաբանել այս տեղեկությունը։
Թարգմանությունը՝ Էմմա Չոբանյանի
