26.06.2026 | 20:56
Խորվաթիան վերահաստատել է աջակցությունը ԵՄ-ի հետ ՀՀ խորացող գործընկերությանը. տեղի է ունեցել Սաֆարյան-Մատուշիչ հանդիպում
«Կարմենը»՝ ժամանակակից շնչով. հայաստանյան պրեմիերան 2 օր անց
Մշակույթ
08.11.2018 | 19:19
Դուբայի օպերային թատրոնում մեծ հաջողությամբ իրականացված հյուրախաղերից հետո Ա. Սպենդիարյանի անվան օպերայի և բալետի ազգային ակադեմիական թատրոնում` ս. թ. նոյեմբերի 10-ին, ժամը 19։00-ին տեղի կունենա Ժ․ Բիզեի «Կարմեն» օպերայի հայաստանյան պրեմիերան, որն իրականացվում է մաեստրո Կոնստանտին Օրբելյանի անձնական նախաձեռնությամբ և ջանքերով, ինչպես նաև «Կոնստանտին Օրբելյան» հիմնադրամի աջակցությամբ:
Ժամանակակից շնչով ներկայացվող «Կարմենի» բեմադրող ռեժիսորը Նաիրե Ստեփանյանն է։ Հայաստանի օպերայի և բալետի թատրոնի մեներգիչների հետ միասին կներկայանան նաև օպերային թատրոնի երգչախումբը, նվագախումբը, բալետային թատերախումբը, «Ձայնի պահպանման վոկալ-երգչախմբային դպրոցի» սաները /խմբավար՝ Էմմա Առաքելյան/։ Թատրոնի գլխավոր խմբավարն է ՀՀ վաստակավոր արտիստ Կարեն Սարգսյանը։
