18.08.2026 | 19:45
OpenAI-ը ChatGPT-ի՝ դեռահասների համար նախատեսված ռեժիմ է գործարկել՝ սահմանափակումներով և ծնողական վերահսկողությամբ
Զելենսկին հայտարարել է, որ Կիևում ամենաբարդ իրավիճակն է ռուսական հարձակման հետևանքով
Քաղաքականություն
20.01.2026 | 15:18
Ուկրաինայի նախագահ Վլադիմիր Զելենսկին հայտարարել է, որ ռուսական օդային հարձակման ամենաբարդ հետևանքները Կիևում են, որտեղ շուրջ 6000 տուն մնում է առանց ջեռուցման, գրում է BBC-ի ռուսական ծառայությունը։
«Ռուսական հարվածը ներառել է զգալի թվով բալիստիկ ու թևավոր հրթիռներ։ Եվ ավելի քան 300 հարվածային անօդաչու թռչող սարքեր։ Ամենադժվար իրավիճակը հիմա Կիևում է, որտեղ զգալի թվով բնակելի շենքեր առանց ջեռուցման են»,- գրել է Զելենսկին։
Նրա խոսքով՝ հարվածի տակ են հայտնվել Կիևի մարզը, ինչպես նաև Կիևի, Վիննիցայի, Դնեպրոպետրովսկի, Օդեսայի, Զապորոժիեի, Պոլտավայի, Սումիի և այլ շրջաններ։
Ռուսական զորքերը Ուկրաինայի վրա արձակել են տարբեր տեսակի 27 հրթիռ և 339 անօդաչու թռչող սարք, հայտնել են Ուկրաինայի ռազմաօդային ուժերը։ Հարվածի հիմնական թիրախը Կիևն ու Կիևի մարզն էին։
Նշվում է, որ խոցվել է 14 բալիստիկ, 13 թևավոր հրթիռ և 315 անօդաչու թռչող սարք։ Գրանցվել է հինգ հրթիռի և 24 անօդաչուի հարված 11 վայրերում։
Թարգմանությունը՝ Էմմա Չոբանյանի
