27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Բուլղարիայի նախագահը հայտարարել է իր հրաժարականի մասին
Քաղաքականություն
19.01.2026 | 22:59
Բուլղարիայի նախագահ Ռումեն Ռադևը հայտարարել է հրաժարականի մասին։ Meduza.io-ի փոխանցմամբ՝ հունվարի 19-ին նախագահը հայտարարել է, որ հունվարի 20-ին պաշտոնապես կներկայացնի հրաժարականի դիմումը՝ նշելով, որ նախագահի պաշտոնակատարի պարտականությունները կստանձնի փոխնախագահ Իլիանա Յոտովան։
Reuters-ի փոխանցմամբ՝ այս հայտարարությունը դիտարկվում է որպես Ռադևի հնարավոր քաղաքական ակտիվացման ազդակ․ ենթադրվում է, որ նա կարող է ձևավորել սեփական քաղաքական ուժը և մասնակցել արտահերթ խորհրդարանական ընտրություններին։
Ռումեն Ռադևը Բուլղարիայի նախագահն էր 2016 թվականից և վերընտրվել էր 2021-ին՝ մինչև 2027 թվականի հունվարը։ Նա հայտնի է 2026 թվականին Բուլղարիայի՝ եվրոգոտուն անդամակցությանը դեմ արտահայտվելու իր դիրքորոշմամբ։
Ռադևի հրաժարականը տեղի է ունենում երկրում շարունակվող քաղաքական ճգնաժամի պայմաններում․ առաջիկայում Բուլղարիայում կանցկացվեն վերջին չորս տարիների ընթացքում ութերորդ խորհրդարանական ընտրությունները։
