06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Պետրոս Ղազարյանը՝ Հ1-ի լրատվական ծառայության ղեկավա՞ր
Հասարակություն
08.11.2018 | 18:09
Կենտրոն հեռուստաընկերությունից Հ1 տեղափոխված Պետրոս Ղազարյանը հնարավոր է՝ ղեկավարի նաև Հանրայինի լրատվական բաժինը։
Factor.am-ի հարցին ի պատաստան՝ այս մասին հայտնեց Ղազարյանը՝ նշելով, որ այս պահին այդ ուղղությամբ արդեն իսկ քննարկումներ են ծավալվել։
«Հ1-ի լրատվական բաժինը ղեկավարելու վերաբերյալ այս պահին քննարկումներ են ծավալվել։ Այո՛, նման բան կարող է լինել, երկու-երեք օրից հստակ կլինի կղեկավարեմ լրատվական ծառայությունը, թե՞ ոչ»,- ասաց նա:
Արդյոք Ղազարյանի հեռանալով կփակվե՞ն «Կենտրոն» ՀԸ-ով հեռարձակվող նրա հեղինակային հաղորդումները, փորձեցինք պարզել ՀԸ-ի տնօրեն Սերգեյ Ադումյանից։ Մեզ հետ զրույցում վերջինս նշեց․ ««Ուրվագիծ» և «Հայկական ուրբաթ» հաղորդումները կփակվեն, եթեր կհեռարձակվեն նույն ձևաչափով այլ հաղորդումներ։ Քննարկումներ ենք սկսել նոր դեմքերի Կենտրոն ՀԸ հրավիրելու համար»։
Հարցին՝ այդ դեմքերը կլինեն այլ հեռուստաընկերություններից «Կենտրոն» ՀԸ տեղափոխվածներ, թե, առհասարակ, նոր դեմքեր հայկական մեդիայում, Սերգեյ Ադումյանը պատասխանեց․ «Դա կլինի մեր անակնկալը հեռուստադիտողին»։
