28.07.2026 | 18:49
ԵՄ-ն կանչել է ՌԴ գործերի ժամանակավոր հավատարմատարին՝ ԱԹՍ-ներով Ռումինիայի օդային տարածքը խախտելու միջադեպի պատճառով
Փաշինյանը ցավակցական հեռագիր է հղել Իսպանիայի վարչապետին
Քաղաքականություն
19.01.2026 | 19:27
Վարչապետ Նիկոլ Փաշինյանը ցավակցական հեռագիր է հղել Իսպանիայի Թագավորության կառավարության նախագահ Պեդրո Սանչեսին՝ Կորդոբա նահանգում տեղի ունեցած ողբերգական պատահարի կապակցությամբ: Այս մասին տեղեկացնում են Կառավարության մամուլի խառայությունից։
Ցավակցական հեռագրում ասված է. «Խոր վշտով տեղեկացա Իսպանիայի Թագավորության Կորդոբա նահանգում տեղի ունեցած ողբերգական պատահարի մասին, որը բազմաթիվ զոհերի պատճառ է դարձել։
Հայաստանի Հանրապետության ժողովրդի և անձամբ իմ անունից ցավակցության և վշտակցության խոսքեր եմ հղում Ձեզ և Իսպանիայի բարեկամ ժողովրդին:
Այս ծանր պահին զորակցություն եմ հայտնում զոհերի ընտանիքներին և հարազատներին, իսկ վիրավորներին մաղթում շուտափույթ ապաքինում»:
Հիշեցնենք՝ Իսպանիայի հարավում կիրակի երեկոյան երկու արագընթաց գնացքներ են բախվել, որի հետևանքով 39 մարդ է զոհվել։ 123 մարդ վիրավորվել է, որոնցից հինգը՝ շատ ծանր, իսկ 24-ը՝ ծանր վիճակում են։
