18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Դանիան որոշել է բաց թողնել Դավոսի ֆորումը՝ Գրենլանդիայի շուրջ իրավիճակի պատճառով
Քաղաքականություն
19.01.2026 | 20:10
Դանիացի պաշտոնյաները որոշել են չմասնակցել Դավոսում այս շաբաթ կայանալիք Համաշխարհային տնտեսական ֆորումին՝ Գրենլանդիայի շուրջ սրվող վեճի ֆոնին, որը խաթարում է տրանսատլանտյան հարաբերությունները, գրում է Bloomberg-ը։
«Դանիայի կառավարության ներկայացուցիչներն այս տարի հրավիրվել են, մասնակցության վերաբերյալ ցանկացած որոշում կայացնում է համապատասխան կառավարությունը։ Մենք կարող ենք հաստատել, որ Դանիայի կառավարությունը ներկայացված չի լինի այս շաբաթ Դավոսում»,- ասվում է Ֆորումի հայտարարության մեջ։
FT-ի տվյալներով՝ Գրենլանդիայի իրավիճակի վերաբերյալ քննարկումների հաջորդ փուլը նախատեսված է անցկացնել Դավոսում։ FT-ն գրում է, որ սկզբում Ուկրաինայի անվտանգության երաշխիքները պետք է լինեին եվրոպացի առաջնորդների և ԱՄՆ ներկայացուցիչների միջև հանդիպումների հիմնական թեման, սակայն Գրենլանդիայի շուրջ լարվածության սրման պատճառով այս հարցը երկրորդ պլան է մղվել։
Թարգմանությունը՝ Էմմա Չոբանյանի
