Նախիջևանի դպրոցներում ջեռուցումն անջատվել է՝ գազի սահմանաչափի գերազանցումը կանխելու համար

Լուրեր

21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
Բոլորը

Նախիջևանի որոշ դպրոցներում ջեռուցումն ամբողջությամբ անջատվել է՝ գազի սահմանաչափի գերազանցումը կանխելու համար, մինչդեռ մյուսներում դասարանները ջեռուցվում են շատ թույլ։ Ծնողների մի խումբ այս մասին հայտնել է «Gündəlik Naxçıvan»-ին։ Ըստ նրանց՝ արդյունքում աշակերտները ստիպված են լինում սովորել ցուրտ դասարաններում՝ սառնամանիքային պայմաններում հաստ վերնազգեստ կրելով։ Իրավիճակը հանգեցրել է հիվանդությունների աճի և հաճախելիության կտրուկ անկման։

Ծնողներից Վահիդ Հասանովն ասել է, որ չնայած այս հարցի վերաբերյալ տեղական կրթության նախարարությանն ուղղված բազմիցս դիմումներին՝ որևէ կոնկրետ միջոց չի ձեռնարկվել։

«Ասում են, որ բյուջեն սուղ է, պետք է գումար խնայենք։ Խորհուրդ են տալիս դպրոցական համազգեստի տակ հաստ հագուստ հագնել։ Բայց ցուրտ եղանակին դա էլ չի օգնում, երեխաները ստիպված են բաճկոններով նստել։ Սա նրանց թույլ չի տալիս նորմալ սովորել։ Այս իրավիճակում իմ երեխան գրեթե ամեն շաբաթ հիվանդանում է։ Նա առավոտյան դասի է գնում, բայց երեկոյան կոկորդը ցավում է և ջերմություն ունի։ Հետո բողոքում են նրա հաճախելիությունից»,- ասել է Հասանովը։

Ծնողի խոսքով՝ դպրոցի ղեկավարությունը փորձում է արդարացնել իրավիճակը՝ ասելով, որ տաքացուցիչներն անսարք են։ Սակայն այս բացատրությունը չի բավարարում ծնողներին. «Խնդիրը միայն մեկ դպրոցում չէ։ Նույն իրավիճակն է ինքնավար հանրապետության բոլոր դպրոցներում։ Անհնար է, որ տաքացուցիչը միաժամանակ փչանա բոլոր դասարաններում։ Սա ակնհայտորեն դիտավորյալ ջեռուցում չապահովելու միտում է՝ գումար խնայելու նպատակով»։

Նախիջևանի միջնակարգ դպրոցներից մեկում աշխատող ուսուցիչը նույնպես պնդում է, որ ջեռուցումը միտումնավոր է կրճատվում։ Նրա խոսքով՝ ջեռուցումը նորմալ մակարդակով չի ապահովվում, որպեսզի գազի սահմանաչափը չգերազանցվի։

Ուսուցիչը նշում է, որ այս պայմաններում ուսումնական գործընթացը չի կարող բնականոն շարունակվել. «Երեխաները պետք է սովորեն, այլ ոչ թե սառչեն։ Խնդիրը սահմանափակված չէ միայն մեր դպրոցով։ Նույն իրավիճակն է թե՛ շրջաններում, թե՛ քաղաքի կենտրոնում գտնվող կրթական հաստատություններում։ Ո՛չ մենք, ո՛չ էլ դասղեկները չենք կարող միջամտել այս հարցին։ Մենք ինքներս տաք ենք հագնվում և խորհուրդ ենք տալիս երեխաներին տաք հագուստ հագնել դպրոցական համազգեստի տակից։ Բայց, չնայած դրան, հիվանդությունները շատանում են, հաճախելիությունը՝ նվազում։ Ծնողները չեն ցանկանում իրենց երեխաներին դպրոց ուղարկել»։

Ծնողները և ուսուցիչները պահանջում են, որ համապատասխան հաստատությունները դպրոցներն ապահովեն նորմալ ջեռուցմամբ, գազի սահմանափակումը չկիրառվի երեխաների առողջության հաշվին և խնդիրը շտապ լուծվի։

Ադրբեջանի համապատասխան հաստատությունները դեռևս մեկնաբանություններ չեն արել այս հարցի վերաբերյալ։

Թարգմանությունը՝ Էմմա Չոբանյանի