06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Մուրադ Մուսաև․ «Հայաստանում կարծում են՝ «Կրասնոդարը» գերի է պահում Սպերցյանին»
19.01.2026 | 17:11
Ռուսաստանի չեմպիոն «Կրասնոդարի» գլխավոր մարզիչ Մուրադ Մուսաևն անդրադարձել է Հայաստանի ազգային հավաքականի ավագ Էդուարդ Սպերցյանի հնարավոր տեղափոխությանը եվրոպական ակումբ։
«Էդիկը ոչ մի տեղ չի շտապում: Այդ մասին խոսակցություններն ուռճացված են Ռուսաստանում ու հատկապես՝ Հայաստանում։ Նրանք կարծում են, որ «Կրասնոդարը» գերի է պահում Սպերցյանին։ Բայց նա երջանիկ մարդ է։ Սպերցյանն ակումբի, քաղաքի լեգենդն է, բոլորը սիրում են նրան։ Նա վառ ֆուտբոլ է ցուցադրում, բազմաթիվ պահեր է ստեղծում և իրացնում դրանք:
Եվրոպա տեղափոխվելու առնչությամբ մեծ ճնշում կա նրա վրա։ Եթե «Ինտերը» գար ու առաջարկեր լավ գումար, իսկ մենք չհամաձայնեինք, այդ պարագայում մտահոգությունները տեղին կլինեին: Սակայն «Ինտերը» չեկավ։ Վերջինը եկել էր «Սաութհեմփթոնը», բայց նա որոշեց չտեղափոխվել»,- «Это футбол, брат» հաղորդման եթերում ասել է Մուրադ Մուսաևը։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 168 հանդիպում, խփել 53 գոլ ու կատարել 45 ասիստ։ Ռուսաստանի ընթացիկ առաջնությունում 25-ամյա կիսապաշտպանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
