18.08.2026 | 20:28
ՌԴ ԿԸՀ նախագահը հայտարարել է, որ «երկիրը լքած և դավաճանած» ռուսները պետք է զրկվեն ընտրություններում քվեարկելու իրավունքից
Պուտինի հատուկ բանագնացը Դավոսում կհանդիպի Ուիթկոֆի և Քուշների հետ
Քաղաքականություն
19.01.2026 | 17:03
Ռուսաստանի նախագահի հատուկ բանագնաց Կիրիլ Դմիտրիևը երեքշաբթի Շվեյցարիայի Դավոսում կհանդիպի ԱՄՆ նախագահի հատուկ բանագնաց Սթիվ Ուիթկոֆի և Դոնալդ Թրամփի փեսայի՝ Ջարեդ Քուշների հետ, գրել է Axios-ի լրագրող Բարաք Ռավիդը X սոցիալական ցանցում՝ հղում անելով իրավիճակին ծանոթ աղբյուրին, գրում է BBC-ի ռուսական ծառայությունը:
Դմիտրիևն ամերիկացիների հետ կքննարկի Ուկրաինայի պատերազմի խաղաղ կարգավորման ԱՄՆ ծրագիրը։
Ավելի վաղ Reuters-ը, հղում անելով աղբյուրներին, հայտնել էր, որ Դմիտրիևը կմեկնի Դավոս՝ ամերիկյան պատվիրակության հետ հանդիպելու համար: Վլադիմիր Պուտինի հատուկ ներկայացուցչի այցը դեռևս պաշտոնապես հաստատված չէ։
Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը, որը գլխավորում է ուկրաինական պատվիրակությունը, երեկ հայտարարել էր, որ ամերիկացիների հետ բանակցությունները կշարունակվեն Դավոսում։
Համաշխարհային տնտեսական ֆորումը Դավոսում տեղի է ունենում հունվարի 19-ից 23-ը: Ռուս պաշտոնյաներն ու բիզնեսի ներկայացուցիչները պաշտոնապես չեն հրավիրվում միջոցառմանը 2022 թվականից ի վեր:
Թարգմանությունը՝ Էմմա Չոբանյանի
