21.01.2026 | 21:27
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Հանրային ծառայությունները կարգավորող հանձնաժողովը ղեկավարում է Ռոբերտ Քոչարյանի գրասենյակի ղեկավարի եղբայրը
08.11.2018 | 16:31
Ռոբերտ Քոչարյանի գրասենյակի ղեկավար Վիկտոր Սողոմոնյանի եղբայրը՝ Միքայել Սողոմոնյանը, Ռոբերտ Նազարյանի հրաժարականից հետո ղեկավարում է Հանրային ծառայությունները կարգավորող հանձնաժողովը:
Factor.am-ի տեղեկությունը հաստատեցին Հանրային ծառայությունները կարգավորող հանձնաժողովից: Կառույցի մամուլի ծառայությունից փոխանցեցին նաև, որ Սողոմոնյանը նախագահի տեղակալն է և ի պաշտոնե է իրականացնում այդ պարտակությունները:
Նշենք, որ Հանրային ծառայությունները կարգավորող հանձնաժողովի նախագահ Ռոբերտ Նազարյանի պաշտոնավարման ժամկետն ավարտվել էր 2018 թվականի հուլիսի 1-ին: Վիկտոր Սողոմոնյանի եղբայրը հանձնաժողովի նախագահի տեղակալն է 2017 թվականի մայիսից: 2011 թվականից մինչև տեղակալ նշանակվելը եղել է հանձնաժողովի աշխատակազմի ղեկավարը: Միքայել Սողոմոնյանն այս կառույցում աշխատում է 2002 թվականից:
Ի դեպ, նա մասնակցում էր Ազգային ժողովում տեղի ունեցած գազի ու էլեկտրաէներգիայի մատակարարման և բաշխման համակարգի գործունեության, գազի և էլեկտրաէներգիայի գործող սակագների հիմնավորվածության ուսումնասիրության նպատակով ստեղծված քննիչ հանձնաժողովի նիստին։
Նշենք, որ Միքայել Սողոմոնյանը գազի գործող սակագինն արդարացված է համարում։
Հայկ Վարդանյան
