13.05.2026 | 16:00
Հայաստանում հանտավիրուսի տարածման ռիսկը գնահատվում է ցածր․ ՀՎԿԱԿ
«Մի պատգամավոր ասել ա՝ շատ ա, հետո կնայեմ»․ Սիմոնյանը՝ 44-օրյա պատերազմի վերաբերյալ զեկույցի մասին․ ՏԵՍԱՆՅՈՒԹ
Քաղաքականություն
19.01.2026 | 10:55
Մեկնարկել է ԱԺ 11-րդ նստաշրջանի քառօրյան։ Նիստի մեկնարկին պատգամավոր Գեղամ Մանուկյանը 44-օրյա պատերազմի քննիչ հանձնաժողովի զեկույցի վերաբերյալ հարց ուղղեց ԱԺ նախագահ Ալեն Սիմոնյանին։ Նա հետաքրքրվեց՝ հանձնաժողովի զեկույցը չի՞ հրապարակվելու, չի՞ ներկայացվելու Ազգային ժողովին։
Սիմոնյանը նշեց, որ իր տեղեկություններով՝ Գեղամ Մանուկյանը ծանոթացել է զեկույցին։
«Ես կոչ եմ անում այդ զեկույցի մասին, 44-օրյա պատերազմի մասին շատ խոսացող պատգամավորներին՝ ընդդիմադիր պատգամավորներին, գոնե ծանոթանալ։ Բացի ձեզանից և ևս մեկ հոգուց, որևիցե մեկը չի ծանոթացել։ Դուք, դե, ասում եմ, մի հոգի, երկու հոգի է ծանոթացել, դուք գալիս եք այստեղ մեզ քննադատում եք, հարցազրույցներ եք տալիս, դրա մասին հարցեր եք տալիս, բայց չեք գնում ծանոթանալու։ Միևնույն ժամանակ ասում եք՝ եկե՛ք դահլիճում արեք։ Մի քիչ, կարծում եմ, տրամաբանական չէ»,- նշեց ԱԺ նախագահը։
Մանուկյանը պնդեց, զեկույց որպես այդպիսին, ներկայացված չէ Ազգային ժողովին։ Ընդգծեց՝ որոշ պատգամավորներ կան «Հայաստան» խմբակցությունից, որոնք տարիների շարունակ ամենագաղտնի տեղեկատվության տիրապետող են եղել, հիմա այդ իրավունքից զրկված են։
«Թեմայի շուրջ շահարկումները, իսկ սրանք շահարկումներ են, համարում եմ անտեղին։ Այն փաստը, որ Ազգային ժողովի 107 պատգամավորները պետք է ծանոթանան, իրողություն է։ Գնացե՛ք առաջին բաժին, ծանոթացե՛ք։ Ես չեմ հասկանում, լոկացիայի խնդի՞ր ենք մենք այստեղ քննարկում։ Դահլիճը լավն է, լույսը շատ է։ Գնացե՛ք, ծանոթացե՛ք։ Ինչի՞ չեք գնացել ծանոթանալու։ Կես տարի անցել է, ամեն հարցազրույցին, մեր լրագրողները, մնացած բոլորը առիթը բաց չեն թողնում թողնում սրա մասին խոսելուց»,-ի պատասխան նշեց Սիմոնյանը։
Մանրամասները՝ տեսանյութում։
