18.08.2026 | 21:12
Ապօրինի ձեռնարկատիրության դեպք է բացահայտել․ առգրավվել է մեծ քանակի կեղծ խմիչք. ՆԳՆ
Իսպանիայում երկու գնացքների բախման հետևանքով 24 մարդ է զոհվել
Քաղաքականություն
19.01.2026 | 10:33
Իսպանիայում երկու արագընթաց գնացքների բախման հետևանքով զոհվել է 24 մարդ։ Եվս 100 մարդ վիրավոր է, որոնցից 30-ը՝ ծանր։ Այս մասին հայտարարել է Իսպանիայի Ներքին գործերի նախարարությունը։ Ողբերգությունը տեղի է ունեցել Իսպանիայի Կորդոբա նահանգում հունվարի 18-ի երեկոյան, գրում է DW-ի ռուսական ծառայությունը։
Մալագայից Մադրիդ մեկնող Iryo ընկերության գնացքն է դուրս եկել ռելսերից և հանդիպակաց բախվել Ուելվա մեկնող գնացքին: Վթարի պատճառը դեռևս անհայտ է: Իսպանական լրատվամիջոցների տվյալներով՝ երկու գնացքներում ընդհանուր առմամբ 400 մարդ է եղել:
Իսպանիայի վարչապետ Պեդրո Սանչեսը հայտարարել է, որ ուշադիր հետևում է իրավիճակին: Իսպանիայի թագավորական ընտանիքը ցավակցություն է հայտնել։
Reuters-ը գրում է, որ փրկարարները դեռևս աշխատում են ողբերգության վայրում։ Տեղական հեռուստատեսությանը տված մեկնաբանության մեջ նրանք նշել են, որ դեռևս չեն կարող գնահատել, թե բախման հետևանքով վագոններում դեռևս քանի տուժած է մնում։
Թարգմանությունը՝ Էմմա Չոբանյանի
