03.04.2026 | 09:30
Բախվել են ավտոմեքենաներ․ կան տուժածներ և մեկ զոհ
Սանդրո Պերկովիչը՝ «ԱԶ Ալկմարի» դեմ խաղում մարտահրավերի մասին
17.01.2026 | 11:29
Ֆուտբոլի Հայաստանի չեմպիոն «Նոայի» գլխավոր մարզիչ Սանդրո Պերկովիչն անդրադարձել է Կոնֆերենցիաների լիգայի անցումային փլեյ-օֆֆի վիճակահանությանը։ «Նոան» մրցելու է նիդերլանդական «ԱԶ Ալկմարի» հետ։
«Տեղյակ ենք մեր մրցակցի որակներից և թե ինչպիսի մարտահրավեր է սպասվում։ Նրանք շատ ուժեղ թիմ ունեն․ դա ցույց են տալիս վերջին արդյունքները և այն փաստը, որ նրանք եղել են Կոնֆերենցիաների լիգայի կիսաեզրափակիչում, ինչը շատ բան է ասում նրանց մասին։
Բայց մենք նույնպես հավատում ենք մեզ և կտանք առավելագույնն առաջինից մինչև վերջին րոպեն մեր երկրպագուների և հայկական ֆուտբոլի համար»,- խորվաթ մասնագետի խոսքը մեջբերում է ակումբի մամուլի ծառայությունը։
«Նոայի» ու «Ազ Ալկմարի» առաջին հանդիպումը կկայանան փետրվարի 19-ին Երևանում, իսկ պատասխան խաղը՝ մեկ շաբաթ անց Նիդերլանդներում։ Այս դիմակայության հաղթողը 1/8 եզրափակիչում կմրցի կամ Աթենքի ԱԵԿ-ի (Հունաստան), կամ Պրահայի «Սպարտայի» (Չեխիա) հետ։
