27.03.2026 | 12:01
Մի՛ վախեցեք, ասեք՝ ՌԴ․ էս հո Հարրի Փոթե՞րը չի, որ Վոլդեմորտի անունը չեն տալիս․ Վարդանյանը՝ ՔՊ-ին․ ՏԵՍԱՆՅՈՒԹ
Ժաննա Անդրեասյանին շնորհվել է Մատենադարանի երախտագիտության մեդալ
Քաղաքականություն
16.01.2026 | 22:40
Մատենադարան Մեսրոպ Մաշտոցի անվան հին ձեռագրերի գիտահետազոտական ինստիտուտում կայացել է հոգաբարձուների խորհրդի նիստը, որի ընթացքում ներկայացվել է 2025 թ. գործունեության հաշվետվությունը, իսկ ԿԳՄՍ նախարար Ժաննա Անդրեասյանին շնորհվել է Մատենադարանի երախտագիտության մեդալ։ Այս մասին տեղեկացնում են ԿԳՄՍՆ-ից։
«Նիստին ներկա են եղել ՀՀ վարչապետի աշխատակազմի ղեկավար Արայիկ Հարությունյանը, ԿԳՄՍ նախարար, հոգաբարձուների խորհրդի նախագահ Ժաննա Անդրեասյանը, նախարարի տեղակալ Արթուր Մարտիրոսյանը, Բարձրագույն կրթության և գիտության կոմիտեի նախագահ Սարգիս Հայոցյանը, խորհրդի այլ անդամներ, ինչպես նաև Հանրային խորհրդի ներկայացուցիչները:
Նիստի ընթացքում ԿԳՄՍ նախարար Ժաննա Անդրեասյանին շնորհվել է Մատենադարանի երախտագիտության մեդալ՝ կառույցի գործունեության զարգացմանն աջակցելու և նշանակալի ավանդի համար: Մեդալը հանձնել է Մատենադարանի տնօրեն Արա Խզմալյանը:
Վերջինս խորհրդի հաստատմանն է ներկայացրել Մատենադարանի՝ 2025 թ. գործունեության հաշվետվությունը, ինչպես նաև 2026 թ. նախահաշիվը։ Տնօրենի առաջարկով և հոգաբարձուների խորհրդի համաձայնությամբ նիստի առաջին մասը, որի ընթացքում ներկայացվել է կատարված աշխատանքների բովանդակային հաշվետվությունը, անցկացվել է բաց ձևաչափով։
Մատենադարանի տնօրենը ներկայացրել է գիտական, գիտատեխնիկական, արժեքավոր նմուշների, մշակութային արժեքների համալրման, գիտական արդյունքի միջազգայնացման ուղղությամբ իրականացված աշխատանքներն ու ձեռքբերումները:
Հոգաբարձուների խորհրդի նիստին հաջորդել է «Մատենադարանի գեղանկարչական դիմագիծը» խորագրով ցուցադրության բացումը. ցուցադրության հայեցակարգի առանցքում գեղանկարներն են: Այն բացահայտում է Մատենադարանի՝ մինչ այժմ երբևէ չուսումնասիրված և չհանրայնացված կողմը»,- ասված է հաղորդագրությունում։
