ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ

Արդյոք «Թրամփի ուղու» ստեղծմամբ՝ հանգուցալուծվում է Հայաստանից ռազմական ուժով միջանցք գրավելու վտանգը։ ՀՀ-ն և ԱՄՆ-ն ընդունեցին համատեղ հայտարարություն՝ «Թրամփի ուղի» ընկերության ստեղծման մասին։ Սա քաղաքական հայտարարություն է, և նշված է, որ Թրամփի ուղու իրականացման շրջանակը չի առաջացնում և միտված չէ առաջացնել իրավական հանձնառություններ կամ պարտավորություններ Հայաստանի կամ ԱՄՆ-ի համար։ Փաստաթղթում մի քանի անգամ շեշտվում է Հայաստանի ինքնիշխանությունը և իրավազորությունը։ Ստեղծվելու է ֆրոնտ օֆիս, որն ընդունելու է այս ճանապարհով անցնող ադրբեջանցիների փաստաթղթերը, գանձումներ է իրականացնելու և տվյալները փոխանցելու է բեք օֆիս։ Այստեղ կլինեն ՀՀ պետական մարմինների ներկայացուցիչներ։ Նրանք կորոշեն՝ արդյո՞ք առկա են ռիսկեր․ լինելու դեպքում՝ Հայաստանի մաքսային և սահմանային ծառայությունները կունենան զննումների իրավունք։ Ինչքանո՞վ է իրագործելի «Թրամփի ուղի» նախագիծը, Ադրբեջանն ընդունելո՞ւ է Հայաստանի և ԱՄՆ-ի միջև այս հայտարարությունը։  Factor TV-ի քննարկմանը մասնակցում են՝ Սամվել Մելիքսեթյանը՝ Հայկական խորհուրդ մտակենտրոնի փորձագետ, քաղաքագետ, Գեորգի Միրզաբեկյանը՝ Արևելագետ, պատմական գիտությունների թեկնածու, Յուրի Ավագյանը՝ «Ռեստարտ» հիմնադրամի տնօրեն, Էդգար Առաքելյանը՝ «Ազատ Հայաստան» նախաձեռնության ղեկավար, քաղաքագետ, Արման Ղուկասյանը՝ Հանուն սոցիալական արդարության կուսակցության նախագահ։

Հաղորդումն ամբողջությամբ՝ տեսանյութում։

Ռոբերտ Անանյան