30.10.2026 | 10:45
Ուկրաինական ԱԹՍ-ների գրոհի հետևանքով Սամարայի մարզի նավթավերամշակման գործարանում հրդեհ է բռնկվել
Վրաստանի ՆԳՆ-ն հայտարարել է արմատական ֆաշիստական խմբավորման 16 անդամի ձերբակալության մասին
Քաղաքականություն
16.01.2026 | 17:18
Վրաստանի Ներքին գործերի նախարարությունը հայտարարել է արմատական ֆաշիստական խմբի 16 անդամների ձերբակալության մասին: Նրանցից 10-ն անչափահասներ են, հայտնել է պարեկային ոստիկանության ղեկավար Վաժա Սիրաձեն, գրում է Sova news-ը։
«Ձերբակալվել են արմատական ֆաշիստական խմբի տասնվեց անդամներ, որոնք առանձնանում էին առանձնահատուկ դաժանությամբ և բոլոր տարիքի մարդկանց նկատմամբ ֆիզիկական ու հոգեբանական բռնությամբ։ Հետաքննությունը պարզել է, որ խմբի անդամներն իրենց ներկայացրել են որպես նեոնացիստներ և առաջնորդվել են ֆաշիստական գաղափարախոսությամբ»,- հայտարարել է Սիրաձեն։
Նա նշել է, որ իրենց ազդեցությունը բարձրացնելու համար նրանք արմատական վերաբերմունք են ցուցաբերել իրենց զոհերի նկատմամբ և առանձնահատուկ դաժանությամբ ֆիզիկապես բռնության ենթարկել նրանց, ովքեր չեն կիսել իրենց գաղափարախոսությունը։
Թարգմանությունը՝ Էմմա Չոբանյանի
