18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
AntiFake-ն ակցիա իրականացրեց ԲԴԽ շենքի դիմաց․ ՏԵՍԱՆՅՈՒԹ
Տեսանյութեր
16.01.2026 | 16:39
AntiFake.am-ի թիմն այսօր «Հացադուլ՝ դատական ապօրինության դեմ» խորագրով ակցիա իրականացրեց Բարձրագույն դատական խորհրդի շենքի դիմաց՝ Նարեկ Սամսոնյանի հացադուլի պահանջի և նրա ու փոդքասթի համահեղինակ ու վարող Վազգեն Սաղաթելյանի կալանքը երեք ամսով երկարացնելու՝ դատավոր Մանվել Շահվերդյանի որոշման առնչությամբ։
Բողոքի ակցիա մասնակիցները ԲԴԽ-ի դիմաց պարզել էին այն դատավորների լուսանկարները որոնք Սամսոնյանի ու Սաղաթելյանի նախնական կալանքի որոշումներն էին կայացրել, ինչպես նաև՝ դատավոր Մանվել Շահվերդյանի լուսանկարը, որին մակագրվել է գործը:
Նշենք, որ Մանվել Շահվերդյանն օրեր առաջ նախնական դատալսումների շրջանակներում քննարկելով Սամսոնյանի և Սաղաթելյանի խափանման միջոցի հարցը՝ որոշել էր նրանց կալանքը երկարացնել ևս 3 ամսով:
Դրանից հետո Սամսոնյանը հայտնել է հացադուլ սկսելու մասին՝ իր խոսքով, «իրավական խայտառակությունը դադարեցնելու» պահանջով։
AntiFaKe.am-ի հիմնադիր, «Իմնեմնիմի» փոդքասթի վարող, 8 օր առաջ հացադուլ հայտարարած Նարեկ Սամսոնյանի մոտ առկա է առողջական լուրջ խնդիր, որը հացադուլի հետևանքների հետ զուգորդված՝ լուրջ ռիսկեր է պարունակում։ Այս մասին ահազանգում է նրա փաստաբան Ռուբեն Մելիքյանը:
Նարեկ Սամսոնյանն ու Վազգեն Սաղաթելյանը կալանավորվել էին անցյալ տարվա նոյեմբերի 13-ի առավոտյան իրենց բնակարաններում և AntiFaKe.am-ի գրասենյակում խուզարկությունից հետո։ Նրանց վերաբերյալ քրեական վարույթ է նախաձեռնվել ԱԺ նախագահ Ալեն Սիմոնյանի հաղորդման հիման վրա։ Վարույթի նախաձեռնման առիթը Վազգեն Սաղաթելյանի ֆեյսբուքյան գրառումներից մեկն է, որում վիրավորական արտահայտություններ են հնչեցվել ԱԺ նախագահ Ալեն Սիմոնյանի և վարչապետ Նիկոլ Փաշինյանի հասցեին: Ապա Սամսոնյանն ու Սաղաթելյանը թեման շարունակել են նաև փոդքասթի շրջանակներում: Նրանք մեղադրվում են «Խուլիգանություն՝ հաղորդակցման միջոցների օգտագործմամբ» հոդվածի հատկանիշներով, բայց մեղադրանքը չեն ընդունում:
Արաքս Մամուլյան
