ՌԴ-ի գլխավոր կորուստը ՀՀ-ում՝ հանրային աջակցության կորուստն է, ոչ թե Թրամփի ուղու ստեղծումը կամ ԵՄ դիտորդները․ Տիգրան Գրիգորյան․ ՏԵՍԱՆՅՈՒԹ

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Քաղաքագետ Տիգրան Գրիգորյանը Factor TV-ի եթերում վերլուծել է Հայաստանի և ԱՄՆ-ի համատեղ հայտարարությունը՝ կապված տարածաշրջանային կոմունիկացիաների ապաշրջափակման և «Front Office / Back Office» մեխանիզմի հետ։

Անդրադառնալով փաստաթղթի բովանդակությանը՝ Գրիգորյանը նշել է․ «Բավականին կարևոր հստակեցումներ կան այս փաստաթղթի մեջ, մասնավորապես՝ Հայաստանի իրավազորության, ինքնիշխանության շեշտադրումը բազմաթիվ վայրերում․․․ Այն նշումը, որ Հայաստանի մաքսային ծառայության աշխատակիցները, ինչպես նաև սահմանային ծառայության աշխատակիցները պետք է գտնվեն, օրինակ, այդ հատվածում, ֆիզիկական ներկայություն ունենան։ Այն շեշտադրումը, որ Հայաստանի Հանրապետության պետական մարմինները պետք է կարողանան գտնվել այդ հաղորդակցության բոլոր հատվածներում, այդ թվում՝ Front Office-ում։ Կարծում եմ՝ սրանք կարևոր ճշգրտումներ են»։

Խոսելով առաջարկվող մեխանիզմի մասին՝ քաղաքագետն ընդգծել է․ «Այս Front Office – Back Office մեխանիզմը, կարծում եմ, բավականին հաջող դիվանագիտական լուծում է՝ մի կողմից բավարարել Ադրբեջանի այն պահանջը, որ ադրբեջանական ուղևորներն ու բեռները անմիջականորեն, անմիջապես չեն առնչվելու հայ սահմանապահների հետ, մյուս կողմից՝ պահպանելով Հայաստանի այն դիրքորոշումը, որ Հայաստանը պետք է պահպանի իր լիազորություններն ու իրավունքները»։

Գրիգորյանը, սակայն, նկատել է, որ դեռևս հայտնի չէ Ադրբեջանի վերջնական արձագանքը․
«Սա, իհարկե, առաջին հերթին Հայաստանի և Միացյալ Նահանգների պատկերացումն է այդ գործընթացի վերաբերյալ։ Մենք դեռևս չգիտենք, թե հետագա բանակցությունների ընթացքում Ադրբեջանը ինչպիսի դիրքորոշում է ունենալու այս հարցերի հետ կապված․․․ Այս փուլում ես վստահաբար չեմ կարող պնդել, որ Ադրբեջանը հրաժարվել է այդ պահանջից, և սա պետք է դիտարկել որպես պոտենցիալ ռիսկ ու պոտենցիալ մարտահրավեր այս գործընթացում»։

Անդրադառնալով Ռուսաստանի դերակատարությանը և հնարավոր ներդրումներին՝ փորձագետը նշել է․ «Այս փուլում կարծում եմ՝ կարևոր հանգամանք է նաև, որ ինքնին ռուսական երկաթգծերը գտնվում են ճգնաժամի մեջ՝ ռուս-ուկրաինական պատերազմով պայմանավորված, այսինքն՝ բավականին բարդ վիճակում են գտնվում։ Բայց ընդհանուր առմամբ, իհարկե, Հայաստանի համար կարևոր է սեփական տարածքում գոյություն ունեցող բոլոր ենթակառուցվածքները արագ տեմպերով վերականգնել»։

Վերլուծելով Ռուսաստանի կողմից անվտանգային երաշխիքների թեման՝ Տիգրան Գրիգորյանը եզրափակել է․ «Ռուսաստանի գլխավոր կորուստը Հայաստանում այն չէ, որ, օրինակ, TRIPP-ը հիմա ամերիկացիներն են գործարկելու․․․ Գլխավոր խնդիրը հենց այդ հանրային կարծիքի կորուստն է․․․ Ռուսաստանը վերջին տարիներին չկատարելով իր պարտականությունները, պարտավորությունները Հայաստանի նկատմամբ և Լեռնային Ղարաբաղում, մեծ հաշվով կորցրել է հանրային աջակցությունը Հայաստանում»։

Հարցազրույցն ամբողջությամբ՝ տեսանյութում։

Ռոբերտ Անանյան