15.01.2026 | 21:41
Երևանում և 8 մարզում էլեկտրաէներգիայի անջատումներ կլինեն
Զախարովան մեկնաբանել է Սոլովյովի հայտարարությունները
Քաղաքականություն
15.01.2026 | 20:09
ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է Հայաստանի ու Կենտրոնական Ասիայի երկրների վերաբերյալ ռուսաստանցի հեռուստահաղորդավար Վլադիմիր Սոլովյովի հայտարարություններին։
«Նախ՝ խոսքը լրագրողի կարծիքի մասին է։ Երկրորդ՝ դա արտահայտվել է մասնավոր «Սոլովյով լայֆ» ալիքով։ Երրորդ՝ ես կարդացել եմ մեջբերումները։Այդ կարծիքն արտահայտվել է հարցի տեսքով, դա հարց էր։ Չորրորդ՝ դրանք ներկայացվել են սադրիչ կերպով բազմոցային դիվանագետների կողմից՝ որպես Ռուսաստանի պաշտոնական դիրքորոշում»,- ասել է Զախարովան։
Նա նշել է, թե անընդունելի է նման մանիպուլյացիաներով զբաղվել։ Ըստ Զախարովայի՝ որոշ մեկնաբաններ օգտագործել են և տեղեկատվական դաշտում չհնչած հորինվածքներ են տարածել ՌԴ-ի ագրեսիվ ձգտումների մասին հետխորհրդային երկրների նկատմամբ։ Նա նաև հայտարարել է, թե Մոսկվայի պաշտոնական դիրքորոշումն արտահայվում է լիազորված պաշտոնատար անձանց կողմից։
Ըստ Զախարովայի՝ Ռուսաստանի դիրքորոշումը բազմիցս արտահայտվել է երկրի ղեկավարության կողմից խորհրդային անցյալի, հետխորհրդային տարածքի, ներկա ինքնիշխան երկրների քաղաքականության վերաբերյալ։ Երկխոսություն է իրանացվում ԱՊՀ-ի, ՀԱՊԿ-ի միջոցով։
Զախարովան նաև հայտարարել է, որ ՌԴ-ին «Հարավային Կովկասի, Կենտրոնական Ասիայի երկրների ժողովուրդների հետ պատմականորեն կապում են բարիդրացիական, ռազմավարական գործընկերության, դաշնակցության, եղբայրական ընկերության ու համագործակցության հարաբերությունները»։
Հիշեցնենք, որ ՀՀ-ում Ռուսաստանի դեսպան Սերգեյ Կոպիրկինը կանչվել է Հայաստանի արտաքին գործերի նախարարություն՝ ռազմական գործողության հնարավորության մասին հաղորդավարի խոսքերից հետո:
Թարգմանությունը՝ Էմմա Չոբանյանի
