27.10.2026 | 20:41
Զելենսկին մանրամասներ է հայտնել Նորվեգիայի և Ֆինլանդիայի առաջնորդների՝ Պուտինի հետ ունեցած զրույցի վերաբերյալ
Էդգար Սևիկյան․ Դեյան Ստանկովիչը լավ մարզիչ է, ունի հետաքրքիր մտքեր
15.01.2026 | 18:32
Ռուսական «Ակրոնի» կիսապաշտպան Էդգար Սևիկյանը կարծիք է հայտնել Մոսկվայի «Սպարտակի» գլխավոր մարզիչի պաշտոնից հեռացված Դեյան Ստանկովիչի մասին։ Հայաստանի ազգային հավաքականի 24-ամյա ֆուտբոլիստը սերբ մասնագետի հետ աշխատել է հունգարական «Ֆերենցվարոշում»։
«Չեմ կարող ասել, թե արդյոք տրամաբանական էր Ստանկովիչի հեռացումը։ Ես նրա հետ աշխատել եմ «Ֆերենցվարոշում»։ Կարծում եմ՝ նա լավ մարզիչ է, որն ունի հետաքրքիր մտքեր։ Ցանկացած մարզիչ ունենում է անկումներ ու վերելքներ։
Ստանկովիչը լավ ֆուտբոլ ու արդյունք է ցուցադրել «Սպարտակում», սակայն ցանկացած ակումբ ունի իր ամբիցիաները։ Յուրաքանչյուրը յուրովի մոտեցում ունի նման իրավիճակներում»,- Էդգար Սևիկյանի խոսքը մեջբերում է Metaratings-ը։
Էդգար Սևիկյանը 2023/24 մրցաշրջանում Դեյան Ստանկովիչի գլխավորությամբ դարձել է Հունգարիայի չեմպիոն։ Հայ կիսապաշտպանն այժմ վարձավճարով է խաղում «Ակրոնում», տրանսֆերային իրավունքը պատկանում է Մոսկվայի «Լոկոմոտիվին»։
