06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Բայրամովը ԵՄ ներկայացուցչի հետ քննարկել է Հայաստանի հետ կարգավորման գործընթացը
Քաղաքականություն
15.01.2026 | 17:16
Ադրբեջանի արտաքին գործերի նախարար Ջեյհուն Բայրամովը Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Մագդալենա Գրոնոյի հետ հանդիպմանը քննարկվել է Ադրբեջանի ու Եվրամիության միջև համագործակցության ներկա վիճակը և հեռանկարները, Ադրբեջանի և Հայաստանի միջև հարաբերությունների կարգավորման գործընթացը, ինչպես նաև տարածաշրջանային և միջազգային հարցեր։
Ադրբեջանական կողմի հաղորդմամբ՝ կողմերը քննարկել են Ադրբեջանի և ԵՄ-ի միջև քաղաքական, տնտեսական, տրանսպորտային, էներգետիկ անվտանգության և այլ ոլորտներում համագործակցությունը, ինչպես նաև փոխգործակցության հարթակների և գործիքների վերաբերյալ ձեռք բերված պայմանավորվածությունները, ինչպես նաև հետագա քայլերը։
Նշվում է, որ Բայրամովը տեղեկատվություն է տրամադրել Ադրբեջանի և Հայաստանի միջև հարաբերությունների կարգավորման և խաղաղության գործընթացում ձեռք բերված առաջընթացի և հեռանկարների մասին և փոխանցել Ադրբեջանի դիրքորոշումը։ Բարձր են գնահատվել Ադրբեջանի և Հայաստանի միջև հարաբերությունների կարգավորման գործընթացի շրջանակներում ձեռնարկված քայլերը, ինչպես նաև երկու երկրների միջև վստահության ամրապնդման միջոցառումները։
Հանդիպման ընթացքում նաև մտքեր են փոխանակվել փոխադարձ հետաքրքրություն ներկայացնող այլ երկկողմ և տարածաշրջանային հարցերի շուրջ։
Թարգմանությունը՝ Էմմա Չոբանյանի
