29.10.2026 | 23:14
Քննարկվել են Հայաստան-Հնդկաստան առևտրատնտեսական և ներդրումային համագործակցության զարգացման հեռանկարները
ՌԴ ՆԳՆ կենտրոնում նռնակ է պայթել․ 9 մարդ վիրավորվել է
Քաղաքականություն
15.01.2026 | 17:30
9 մարդ վիրավորվել է ՌԴ Կոմիի Հանրապետության Սիկտիվկար քաղաքում Ներքին գործերի նախարարության մասնագիտական պատրաստման կենտրոնում լուսարձակող նռնակի պայթյունի հետևանքով, հայտնում է Կոմիի Առողջապահության նախարարությունը, գրում է Current time-ը։
«Վիրավորները հոսպիտալացվել են հանրապետական կլինիկական հիվանդանոց ու Եժվինի քաղաքային հիվանդանոց: Մեկ մարդ հրաժարվել է հոսպիտալացումից, նրան տեղում բժշկական օգնություն է ցուցաբերվել: Չորս հիվանդների վիճակը ծայրահեղ ծանր է»,- ասվում է հայտարարության մեջ:
Ըստ գերատեսչության՝ ևս 200 մարդ տարհանվել է ուժեղ ծխի պատճառով:
Կոմիի ՆԳՆ-ն հայտնել է անձնակազմի ուսումնական վարժանքների ժամանակ տանիքում հրդեհի մասին: Հանրապետության քննչական կոմիտեն հայտնել է «պայթյունի» մասին: Հարուցվել է քրգործ՝ Քրեական օրենսգրքի 293-րդ հոդվածի 2-րդ մասի համաձայն՝ անփութության համար։
Քննչական կոմիտեն հայտարարել է, որ դեպքի վայրում քննչական գործողություններ են իրականացվում՝ միջադեպի ամբողջական պատկերը պարզելու համար:
Թարգմանությունը՝ Էմմա Չոբանյանի
