UFC-ի թեթև քաշային կարգի դասակարգման առաջատար Արման Ծառուկյանն անդրադարձել է իր ակտիվությանը խառը մենամարտերից դուրս։ Դեկտեմբերին հայ մարտիկն անցկացրել է գրեփլինգի 2 մենամարտ, իսկ հունվարի 10-ին ազատ ոճի ըմբշամարտի մրցաշարում հաղթել էր ամերիկացի Լենս Փալմերին։
«Բոլորը վախից փախչում են ինձանից, այդ պատճառով ես շարունակում եմ ճամփորդել ու կողքից մեծ գումարներ վաստակել։ Մարզվում ենք աշխարհի որ ծայրում էլ լինենք»,- Instagram-ում գրել է Արման Ծառուկյանը:
Հիշեցնենք, որ 29-ամյա Ծառուկյանը խառը մենամարտերում հանդես է գալիս 2016-ից, իսկ UFC-ում նորամուտը նշել է 2019-ին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն
