13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ըստ Սինանյանի՝ երկու հայ է զոհվել Իրանում բողոքի ցույցերի ընթացքում․ ՏԵՍԱՆՅՈՒԹ
Հասարակություն
15.01.2026 | 13:42
2 հայ է զոհվել Իրանում զանգվածային բողոքի ցույցերի և անկարգությունների հետևանքով: Այս մասին լրագրողների հետ զրույցում ասաց Սփյուռքի գործերի գլխավոր հանձնակատար Զարեհ Սինանյանը:
«Մեկ զոհ կար հաստատված, երկրորդ զոհն էլ, կարծես, հաստատվել է։ Խոսվում է ավելի մեծ թվերի մասին, բայց հստակ որևէ տեղեկություն չունենք»,- ասաց Սինանյանը։
Պաշտոնյան ասաց, որ Իրանի հայ համայնքի հետ անմիջական կապ չկա. «Կապի մեջ ենք զուտ թռչքների շնորհիվ, եկող մարդկանց շնորհիվ։ Ինտերնետն անջատված է, նույնիսկ մեր դեսպանատան հետ երեկվա դրությամբ դեռ կապ չունեինք»,– ասաց նա։
Նշենք, որ Թեհրան-Երևան երեկվա չվերթի ուղևորներից մեկը «Զվարթնոց» օդանավակայանում Factor TV-ի հետ զրույցում ասել էր, որ շուրջ 18 օր շարունակվող բողոքի ակցիաների ընթացքում զոհվել է 12 հայ։
Մանրամասները՝ տեսանյութում։
