03.04.2026 | 23:13
NASA-ն հրապարակել է Երկրի նոր լուսանկարը
ԵՄ-ն ռուսական նավթի գնի շեմը կնվազեցնի մինչև 44,1 դոլարի՝ մեկ բարելի համար
Քաղաքականություն
15.01.2026 | 13:35
Եվրամիությունը փետրվարի 1-ից ռուսական նավթի գնի շեմը կնվազեցնի ևս 7%-ով՝ մինչև 44,1 դոլար՝ մեկ բարելի համար։ Եվրահանձնաժողովի նախագահ Ուրսուլա ֆոն դեր Լեյենի կողմից ստորագրված համապատասխան որոշման համաձայն՝ սա ԵՄ Խորհրդի որոշման իրականացումն է, գրում է The Insider-ը։
Ռուսական նավթի գնի առաջին շեմը, որը սահմանվել էր 2022 թվականի դեկտեմբերին, մեկ բարելի համար 60 դոլար էր: Ներկայիս սահմանաչափը, որը սահմանվել է 2025 թվականի սեպտեմբերին, մեկ բարելի համար 47,60 դոլար է:
2023 թվականի փետրվարից ուժի մեջ են մտել նաև ռուսական նավթամթերքի գների սահմանափակումները՝ դիզելային վառելիքի համար՝ 100 դոլար՝ մեկ բարելի համար (քանի որ այն վաճառվում է ավելի բարձր գնով՝ համեմատած հում նավթի հետ), իսկ մազութի պարագայում՝ 45 դոլար՝ մեկ բարելի համար, որը վաճառվում է զեղչով:
Նավթի և նավթամթերքի գների այս սահմանափակումները նպատակ ունեն նվազեցնել Ռուսաստանի կառավարության եկամուտները, որոնք օգտագործվում են Ուկրաինայի հետ պատերազմը ֆինանսավորելու համար:
Ֆիննական Էներգիայի և մաքուր օդի հետազոտությունների կենտրոնի (CREA) տվյալներով՝ 2025 թվականի հոկտեմբերին ռուսական նավթի արտահանման 44%-ն իրականացվել է պատժամիջոցների տակ գտնվող լցանավերով, ևս 18%-ը՝ «ստվերային նավատորմի» նավերով, որոնք դեռևս չեն ենթարկվել պատժամիջոցների, և 38%-ը՝ G7 երկրների, ԵՄ-ի և Ավստրալիայի հետ ուղղակի կամ անուղղակի կապեր ունեցող նավերով։
Թարգմանությունը՝ Էմմա Չոբանյանի
