18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Թրամփը հայտարարել է, որ Զելենսկին է ձգձգում Ուկրաինայի խաղաղության համաձայնագիրը, ոչ թե Պուտինը
Քաղաքականություն
15.01.2026 | 11:22
ԱՄՆ նախագահ Դոնալդ Թրամփը պնդում է, թե Ուկրաինան է խոչընդոտում հնարավոր խաղաղության համաձայնագրի կնքմանը, այլ ոչ թե Ռուսաստանը։ Reuters-ին տված բացառիկ հարցազրույցում Թրամփը պնդել է, որ Ռուսաստանի նախագահ Վլադիմիր Պուտինը պատրաստ է վերջ դնել Ուկրաինայում իր սկսած գրեթե չորս տարվա պատերազմին, գրում է BBC-ի ռուսական ծառայությունը։
«Կարծում եմ՝ նա պատրաստ է գործարք կնքել։ Կարծում եմ՝ Ուկրաինան է ավելի քիչ պատրաստ գործարքի»,- ասել է Թրամփը։
Հարցրին՝ ինչո՞ւ ԱՄՆ-ի գլխավորությամբ բանակցությունները դեռևս չեն հանգեցրել Երկրորդ համաշխարհային պատերազմից ի վեր Եվրոպայում ամենամեծ ռազմական հակամարտության լուծմանը, նա պատասխանել է մեկ բառով՝ «Զելենսկի»։
«Կարծում եմ՝ նրա համար դժվար է դրան գնալ»,- հավելել է նա հաջորդ հարցից հետո։
Թրամփի հռետորաբանությունը կտրուկ հակադրվում է իր եվրոպացի դաշնակիցների դիրքորոշմանը, որոնք կարծում են, որ Մոսկվան շահագրգռված չէ Ուկրաինայում պատերազմը դադարեցնելու հարցում։
Թարգմանությունը՝ Էմմա Չոբանյանի
