14.01.2026 | 22:14
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
«12 հայ է մահացել, այսօր նրանցից մեկի թաղումն էր». ինչ են պատմում Թեհրան-Երևան չվերթի ուղևորները
Քաղաքականություն
14.01.2026 | 20:30
Իրանում շարունակվում են հակակառավարական բողոքի ցույցերը։ Factor TV-ի նկարահանող խումբը «Զվարթնոց» միջազգային օդանավակայանում զրուցել է Թեհրան-Երևան չվերթով Հայաստան ժամանած ուղևորների հետ՝ պարզելու, թե ինչ են տեսել վերջին օրերին։
Մեր զրուցակիցներից մեկի փոխանցմամբ՝ Իրանի հայ համայնքից տեղեկացել է, որ շուրջ 18 օր շարունակվող բողոքի ակցիաների ընթացքում զոհվել է 12 հայ։ Նրա խոսքով՝ այսօր նրանցից մեկի հուղարկավորությունն է տեղի ունեցել։
Օդանավակայանի սպասասրահում գտնվող մեկ այլ քաղաքացի էլ հայտնել է, որ երկու օր առաջ է Իրանից ժամանել Հայաստան և այժմ սպասում է կնոջը, որը դեռ Թեհրանում է։
Այսօր նախատեսված էր Թեհրան-Երևան երեք չվերթ։ Չվերթներից մեկը վերջին պահին չեղարկվել է։
Իրանում բողոքի ցույցերի հետևանքով զոհերի թիվը հասել է 2571-ի, հայտարարել է ԱՄՆ-ում գործող Human Rights Activists News Agency (HRANA) իրավապաշտպան կազմակերպությունը։ Այն նշել է, որ մինչ այժմ նույնականացրել է 2403 ցուցարարի, կառավարության հետ կապված 147 անձանց, 18 տարեկանից փոքր 12 անձանց և 9 ոչ ցուցարար քաղաքացիական անձանց մահը։
Ըստ կազմակերպության՝ ձերբակալվել է առնվազն 18,434 մարդ, ինչպես նաև գրանցվել է 1134 ծանր վիրավորում։
Այլ աղբյուրներ էլ հայտնել են մինչև 12 հազար զոհի մասին։ Այս տեղեկությունը, սակայն, հաստատված չէ։
Մանրամասները՝ տեսանյութում։
Անի Թամրազյան
