06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
«Անակնկալի եկանք»․ Վագիֆ Խաչատրյանի դուստրը Երևան է ուղևորվում
Քաղաքականություն
14.01.2026 | 17:30
«Զանգեցին, ուղղակի ասացին, որ այսպիսի բան կա, ու որ վարչապետ Նիկոլ Փաշինյանի գրառումն էլ տեսանք, մի քիչ անակնկալ էր էլի»,- Factor TV-ի հետ զրույցում պատմեց Բաքվից այսօր ՀՀ վերադարձված Վագիֆ Խաչատրյանի դստեր մտերիմներից մեկը։
Նշեց՝ Խաչատրյանի դուստրը՝ Վերան, հուզված է, չի կարող խոսել։
«Հիմա մի քիչ էլ լավ չի Վերան, հուզված է, պատրաստվում է Երևան գալ։ Ուրախությունից, հուզմունքից ինքնազգացողությունը վատացել է»,- նշեց մեր զրուցակիցը՝ հավելելով, որ իրենց չեն հայտնել, թե Վագիֆ Խաչատրյանին ուր են տեղափոխելու։
Հիշեցնենք՝ շուրջ մեկ ժամ առաջ Նիկոլ Փաշինյանը ֆեյսբուքում հայտնել է, որ Գևորգ Սուջյանը, Դավիթ Դավթյանը, Վիգեն Էուլջեքջյանը և Վագիֆ Խաչատրյանը Հակարիի կամրջով Ադրբեջանի Հանրապետության համապատասխան մարմինների ներկայացուցիչների կողմից հանձնվել են Հայաստանի Հանրապետության համապատասխան մարմինների ներկայացուցիչներին և հիմա գտնվում են ՀՀ տարածքում։
«Նրանք նախնական զննությամբ առողջական խնդիրներ չունեն։ Վագիֆ Խաչատրյանի առողջական վիճակը նախնական գնահատվում է բավարար։ Նրանք տեղափոխվում են Երևան»,- գրել է Փաշինյանը։
Եվգենյա Համբարձումյան
