04.04.2026 | 20:03
ՃՏՊ՝ հրդեհի բռնկմամբ
Հայաստան-Թուրքիա հարաբերություններում իրադարձություններ են տեղի ունենալու․ Փաշինյան․ ՏԵՍԱՆՅՈՒԹ
Քաղաքականություն
14.01.2026 | 13:18
«Ակնհայտ է, որ Հայաստան-Թուրքիա հարաբերություններում իրադարձություններ են տեղի ունենալու։ Դանդաղ ենք գործում, քանի որ միշտ հոռետեսության կանխավարկածով ենք առաջնորդվում, ասում ենք․ «Դե, թող հլը տեսնենք՝ լինում է, չի լինում, դե երբ որ կլինի, դրանից հետո արդեն կսկսենք նախապատրաստվել»։ Ես կարծում եմ, մենք այս վերաբերմունքն էլ պիտի փոխենք»,-այս մասին Անվտանգության 15-րդ ֆորումի ժամանակ ասաց վարչապետ Նիկոլ Փաշինյանը։
Նրա խոսքով՝ Եվրամիության հետ համագործակցությամբ Հայաստան-Թուրքիա սահմանին կամուրջներ պետք է կառուցվեն, Ախուրիկում և Երասխում մաքսային և սահմանային տերմինալներ պետք է կառուցվեն։
«Հավանականությունը մեծ է, որ նաև Իջևան-Ղազախ հատվածում մենք կարող ենք ունենալ որոշակի զարգացումներ։ Մենք պետք է հասկանանք նաև հետագա աշխատանքում, որտեղ ենք աշխատում TRIPP-ի հետ, և որտեղ ենք աշխատում այլ գործընկերների հետ։ Հայաստան-Թուրքիա սահմանին նույնպես ենթադրվում է, մեծ հավանականությամբ, մենք էլեկտրահաղորդման գծեր կունենանք, և ոչ միայն էլեկտրահաղորդման գծեր։ Մասնավոր հատվածը մեզ արդեն ասում է՝ մենք արդեն էլեկտրաէներգիայի մասին կարո՞ղ ենք մտածել՝ Հայաստան-Թուրքիա և Թուրքիա-Հայաստան։ Մենք ասում ենք, որ այո՛, կարող եք մտածել։
Բանակցային այն սենյակում, որտեղ ես խոսում եմ նախագահ Էրդողանի հետ, այնտեղ այդ մակարդակում հարցերը, պատկերացումներն առնվազն այն տեսանելի ապագայի համար, որը այսօր խելամիտ է այդ ժամանակահատվածով դիտարկել, այդ հարցերը լուծված են և լուծվում են։ Եվ շատ կարևոր է, որ այս իրադարձությունները տեղի են ունենում»,- նշեց վարչապետը։
Մանրամասները՝ տեսանյութում։
