09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
Քաղաքականություն
14.01.2026 | 11:30
«Հայաստանի ինքնիշխանությունն ու իրավազորությունը սահմանային և մաքսային գործողությունների նկատմամբ բացարձակ են և անքննարկելի»,- անդրադառնալով Վաշինգտոնում համաձայնեցված փաստաթղթին՝ հայտարարեց ԱԳ նախարար Արարատ Միրզոյանը։
«Ակնկալվում է, որ սահմանային և մաքսային բոլոր գործունեությունները կիրականացնեն սահմանային կառավարման միջազգայնորեն ճանաչված չափանիշներին համապատասխան՝ պահպանելով օգոստոսի 8-ի հռչակագրի սկզբունքները, հիշում եք էս սկզբունքները՝ ինքնիշխանություն, իրավազորություն, տարածքային ամբողջականություն և այլն, օգտագործելով «ֆրոնտ օֆիս -բեք օֆիս» գործառնական մոդելը»,- հայտնեց արտգործնախարարը։
Միրզոյանի խոսքով՝ ազգային անվտանգության և իրավապահ գործունեության նկատմամբ վերահսկողությունը Հայաստանը պահելու է։
«Հայաստանը պահպանելու է հստակորեն TRIP-ով առևտրի և տարանցման նկատմամբ մաքսային և սահմանային վերահսկողության իրավազորությունը։ Սա էլ շատ չարչկված և շահարկված հարցերից մեկը։ Ուղիղ կարդում եմ՝ Հայաստանը հստակորեն պահպանում է TRIP-ով առևտրի և տարանցման նկատմամբ մաքսային և սահմանային վերահսկողության իրավազորությունը»,- ընդգծեց Միրզոյանը։
Մանրամասները՝ տեսանյութում։
