14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Չի կարող TRIPP ընկերության բաժնեմասերի փոփոխություն տեղի ունենալ առանց ՀՀ-ի համաձայնության․ Միրզոյան․ ՏԵՍԱՆՅՈՒԹ
Քաղաքականություն
14.01.2026 | 11:12
«Անկախ բաժնեմասերի չափից՝ մեծ, փոքր, շատ, քիչ լինելուց, առանց Հայաստանի Հանրապետության համաձայնության ոչինչ տեղի ունենալ չի կարող»,- այս մասին հայտարարեց ՀՀ ԱԳ նախարար Արարատ Միրզոյանը՝ անդրադառնալով ԹՐԻՓՓ ընկերության գործունեությանը։
«Դավադրության տեսություններ ենք լսել, մեկնաբանություններ, որ այ, հիմա որևէ տոկոս համամասնությամբ կհամաձայնվենք բաժնեմասերը կիսել Միացյալ Նահանգների և Հայաստանի միջև, հետո կսկսվի գործունեությունը ընկերության, և հետո ինչ-որ փուլում՝ մի ամիս հետո, մի շաբաթ հետո, մի տարի հետո, տասը տարի հետո, մեզնից թաքուն, մեր կամքին հակառակ բաժնեմասերի ինչ-որ մի մաս կարող է վաճառվել այս կամ այն երկրին։ Հիմա, ուրեմն, հստակ ամրագրում ենք, որ էդպիսի բան, առանց մեր համաձայնության, բացառվում է, որ տեղի ունենա։ Դա կլինի պայմանագրի խախտում և հետևաբար չի կարող լինել»,- ընդգծեց Միրզոյանը։
ԱԳ նախարար Արարատ Միրզոյանը և ԱՄՆ պետքարտուղար Մարկո Ռուբիոն երեկ Վաշինգտոնում հաստատել են «Թրամփի ուղի՝ հանուն միջազգային խաղաղության և բարգավաճման» (TRIPP) ծրագրի համար Հայաստան-ԱՄՆ կենսագործման շրջանակի վերաբերյալ համատեղ հայտարարություն:
Դրանում նշվում է, որ Հայաստանը մտադիր է թույլատրել և աջակցել ԹՐԻՓՓ զարգացման ընկերության հիմնմանը։ Ակնկալվում է, որ ընկերությունը պատասխանատու կլինի ԹՐԻՓՓ-ի զարգացման համար՝ 49 տարի նախնական ժամկետով նրան տրամադրվող կառուցապատման իրավունքով։
«Հայաստանը մտադիր է ԱՄՆ-ին առաջարկել ԹՐԻՓՓ զարգացման ընկերության 74% մասնաբաժինը և պահպանել 26% մասնաբաժինը։ Ակնկալվում է, որ այս համագործակցությունը կերկարաձգվի ևս 50 տարով՝ Հայաստանի կառավարությանը հավելյալ սեփականության տրամադրմամբ նրա մասնաբաժինը դարձնելով 49%»,- ասված է հայտարարության մեջ։
Մանրամասները՝ տեսանյութում։
