02.07.2026 | 14:34
770 դրամ ելակի, 275 դրամ լոլիկի և 400 դրամ չերի լոլիկի յուրաքանչյուր կգ-ի արտահանման համար
Ռադան պաշտոնանկ է արել Ուկրաինայի պաշտպանության նախարար Դենիս Շմիգալին և անվտանգության ծառայության ղեկավար Վասիլի Մալյուկին
Քաղաքականություն
13.01.2026 | 16:39
Գերագույն ռադայի պատգամավորներն ընդունել են Ուկրաինայի պաշտպանության նախարար Դենիս Շմիգալի հրաժարականը։ Հունվարի 13-ին կայացած լիագումար նիստում այս որոշման օգտին քվեարկել է խորհրդարանի 265 անդամ, գրում է Meduza-ն։
«Ես լքում եմ այս պաշտոնը՝ վստահությամբ, որ հետագա գործընթացները կդառնան փոփոխությունների և բարեփոխումների հիմքը, և որ մեր համատեղ նվաճումները կծառայեն որպես Ուկրաինայի կայունության հիմք»,- Ռադայում ունեցած ելույթում հայտարարել է Շմիգալը։
Պատգամավորները նաև կողմ են արտահայտվել Վասիլի Մալյուկի՝ Ուկրաինայի անվտանգության ծառայության ղեկավարի պաշտոնից ազատմանը։ Այս որոշման օգտին քվեարկել է խորհրդարանի 235 անդամ։
Մալյուկը հրաժարականի մասին հայտարարել էր հունվարի սկզբին։ Գերատեսչության ղեկավարի պաշտոնակատար է նշանակվել ծառայության «Ա» հատուկ գործողությունների կենտրոնի ղեկավար Եվգենի Խմարան։
Շմիգալը Ուկրաինայի պաշտպանության նախարարությունը գլխավորում էր 2025 թվականի հուլիսից։ Մինչ այդ, նա հինգ տարի զբաղեցրել է երկրի վարչապետի պաշտոնը։
2026 թվականի սկզբին Ուկրաինայի նախագահ Վլադիմիր Զելենսկին հայտարարել էր «Պաշտպանության նախարարության ձևաչափը փոխելու» որոշման մասին և առաջարկել, որ թվային վերափոխումների նախարար Միխայիլ Ֆեդորովը ստանձնի գերատեսչություն ղեկավարումը։
Թարգմանությունը՝ Էմմա Չոբանյանի
