30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Պարգևավճար ստացել եմ, բայց Ձեր նշած թվերը չեմ ստացել. Սուրեն Պապիկյան․ ՏԵՍԱՆՅՈՒԹ
Հասարակություն
13.01.2026 | 15:55
«Պարգևավճար ստացել եմ։ Գրավոր հարցումներ կան, այդ գրավոր հարցումներին կպատասխանենք և կպարզաբանենք։ Ձեր նշած թվերը չեմ ստացել»,-ասուլիսի ժամանակ նշեց պաշտպանության նախարար Սուրեն Պապիկյանը։
Հիշեցնենք՝ մամուլում տեղեկություն էր տաչածվել, որ նախարարները ամանորին 7-9 մլն դրամ պարգևավճար են ստացել։
Նա անդրադարձել է նաև զինծառայողների նոր համազգեստի թեմային, նշել՝ շուրջ մեկ տարի բաց մրցույթ է հայտարարված եղել հայկական ընկերությունների համար, այդ թվում նաև հնարավորություն է եղել, որ դիզայներական ընկերությունները դիմեն մրցույթին։
«Ունեցել ենք մի ընկերության հայտ, որը միայն հատուկ նշանակության ուժերի համար ինչ-որ առաջարկ էր տալիս, բայց քանի որ մենք կոմպլեքս լուծում էինք ուզում, մենք չկարողացանք հայկական այդ ընկերությանը ներգրավել պրոցեսի մեջ, կիսատ կլիներ։ Եվ գնացինք այս լուծմանը։
Այնպես չի, որ եթե Հայաստանում լիներ ներուժ, մենք հայկական ներուժից պիտի հրաժարվեինք, ամենևին։ Ես շատ ուրախ կլինեի, բայց ցավոք, այդ ներուժը դեռ չունենք։ Հուսամ՝ կզարգանա»,-նշեց նա։
Մանրամասները՝ տեսանյութում։
