13.01.2026 | 19:25
Ձնագնդիով խփելու շուրջ պատանիների վեճը վերածվել է դանակահարության
ՄԱԿ-ի մարդու իրավունքների հանձնակատարը «սարսափած է» Իրանում ցուցարարների նկատմամբ բռնությունից
Քաղաքականություն
13.01.2026 | 17:13
ՄԱԿ-ի մարդու իրավունքների գերագույն հանձնակատար Վոլկեր Թյուրկը իր «սարսափն» է հայտնել Իրանում ցուցարարների դեմ բռնության աճող դեպքերի կապակցությամբ, որոնք տեղի են ունեցել հարյուրավոր մարդկանց մահվան մասին հաղորդագրությունների ֆոնին, գրում է France 24-ը։
«Խաղաղ ցուցարարների սպանությունները պետք է դադարեցվեն, ցուցարարներին «ահաբեկիչներ» անվանելը նրանց նկատմամբ բռնությունն արդարացնելու համար անընդունելի է»,- ասվում է Թյուրկի հայտարարության մեջ, որում նա դատապարտել է իշխանությունների որոշումը՝ «բռնի ուժ կիրառել փոփոխությունների օրինական պահանջները ճնշելու համար»։
Կատարը, իր հերթին, հայտարարում է, որ ԱՄՆ-ի և Իրանի միջև ռազմական սրացումը լուրջ հետևանքներ կունենա տարածաշրջանի համար։
«Մենք գիտենք, որ ցանկացած սրացում կունենա աղետալի հետևանքներ տարածաշրջանում և դրանից դուրս, ուստի մենք ցանկանում ենք հնարավորինս խուսափել դրանից»,- Դոհայում կայացած մամուլի ասուլիսում ասել է Կատարի արտաքին գործերի նախարարության խոսնակ Մաջեդ ալ-Անսարին։
Թարգմանությունը՝ Էմմա Չոբանյանի
