06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Արման Ծառուկյան․ Կարծում եմ՝ իմ ու Չենդլերի մենամարտը մեծ աղմուկ կբարձրացնի
13.01.2026 | 12:38
UFC-ի թեթև քաշային կարգի դասակարգման առաջատար Արման Ծառուկյանը պատմել է, որ ցանկանում է ազատ ոճի ըմբշամարտի կանոններով մրցել ամերիկացի Մայքլ Չենդլերի դեմ։ Օրեր առաջ հայ մարտիկը Ֆլորիդայում կայացած RAF 05 (Real American Wrestling) ազատ ոճի ըմբշամարտի մրցաշարում 10։0 հաշվով հաղթել էր 38-ամյա ամերիկացի Լենս Փալմերին։
«Կա հավանականություն, որ ես կվերադառնամ փետրվարի 28-ին ու կմենամարտեմ Մայքլ Չենդլերի հետ։ Ես RAF-ին խնդրել եմ կազմակերպել Չենդլերի դեմ մենամարտ, քանի որ UFC-ում նա փախչում է ինձանից։ Նա նույնիսկ փախչում է իմ անունից։ ММА-ի կանոններով մենք երբեք չենք մրցի։ Իսկ ահա ըմբշամարտում նրա գլուխը պտտելուն դեմ չեմ։
Չենդլերը սոցցանցերում նշում է, որ պատրաստ է մենամարտել ինձ հետ։ Ես ցանկանում էի ձեռնոց նետել նրան RAF-ում, սակայն խոսափողը չտվեցին ինձ։ Կարծում եմ՝ մեր մենամարտը մեծ աղմուկ կբարձրացնի։ Ազատ ոճի ըմբշամարտում նա ունի շանս իմ դեմ պայքարում, իսկ ММА-ում՝ ոչ»,- Արիել Հելվանիի հետ հարցազրույցում ասել է Արման Ծառուկյանը։
29-ամյա Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
