27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
«Նա ոչ մի խաղաքարտ չունի, կամ միայն ես». Թրամփը՝ Զելենսկիի մասին
Քաղաքականություն
12.01.2026 | 22:04
ԱՄՆ նախագահ Դոնալդ Թրամփը հայտարարել է, որ Ուկրաինայի առաջնորդ Վլադիմիր Զելենսկին բանակցություններում «իրական խաղաքարտեր» չունի և երբեք էլ չի ունեցել։ Նա նշել է, որ Ուկրաինայի նախագահն ունի միայն մեկ բան՝ ինքը Դոնալդ Թրամփը։
Այս մասին հաղորդում է ՌԲԿ Ուկրաինան՝ հղում անելով The New York Times-ին։
Հրատարակությանը տված հարցազրույցում Թրամփը վերահաստատել է իր փետրվարյան պնդումը, որ Զելենսկին «խաղաքարտեր չունի» Ուկրաինայի շուրջ բանակցություններում և դրանք չի ունեցել առաջին օրվանից։
«Դա ճիշտ է։ Նա խաղաքարտեր չունի։ Նա դրանք չուներ, նա դրանք չի ունեցել առաջին օրվանից», – ընդգծել է Թրամփը։
Երբ լրագրողը հարցրել է ամերիկացի առաջնորդին, թե սա ինչ է նշանակում, նա պատասխանել է, որ իր ուկրաինացի գործընկերն ունի միայն մեկ բան։
«Նա միայն մեկ բան ունի՝ Դոնալդ Թրամփ», – ասել է ԱՄՆ նախագահը։
«Եթե նա չունենար Դոնալդ Թրամփին, դա կլիներ լիակատար աղետ, և նա գիտի դա, և եվրոպացի առաջնորդները գիտեն դա, և բոլորը գիտեն դա», – ասել է ԱՄՆ նախագահը։
Հիշեցնենք, որ 2025 թվականի փետրվարի 28-ին Դոնալդ Թրամփը և Վլադիմիր Զելենսկին վիճաբանել էին Սպիտակ տանը։
«Դուք հիմա ճիշտ դիրքում չեք, պատերազմի հենց սկզբից ոչ այնքան շահավետ։ Դուք ճիշտ դիրքում չեք։ Դուք ճիշտ խաղաքարտեր չունեք», – այդ ժամանակ ասել էր ԱՄՆ նախագահը։
Թարգմանությունը՝ Էմմա Չոբանյանի
