18.08.2026 | 21:12
Ապօրինի ձեռնարկատիրության դեպք է բացահայտել․ առգրավվել է մեծ քանակի կեղծ խմիչք. ՆԳՆ
Ըստ Իրանի պետական ԶԼՄ-ների՝ քաղաքներում մեծ թվով մարդիկ են հավաքվում իշխանությունների օգտին հանրահավաքներին. ՏԵՍԱՆՅՈՒԹ
Քաղաքականություն
12.01.2026 | 14:46
Իրանական պետական լրատվամիջոցները տեսանյութ են տարածում՝ պնդումով, որ Իրանի տարբեր քաղաքներում մեծ թվով մարդիկ են հավաքվել՝ աջակցելու երկրի գործող իշխանությանը, գրում է CNN-ը։ Քերման և Զահեդան քաղաքներում հանրահավաքների մասնակիցների ձեռքին եղել են գերագույն առաջնորդ այաթոլլա Ալի Խամենեիի նկարներ, Ղուրանի օրինակներ և Իսլամական Հանրապետության դրոշներ։ Պետական հեռուստատեսության հաղորդմամբ՝ երթի մասնակիցները Քերմանի փողոցներում վանկարկել են՝ «Մահ Ամերիկային»։ Իրանի պետական մարմինները երկուշաբթի օրը կոչ էին արել համազգային երթեր անցկացնել՝ ի պաշտպանություն ռեժիմի։
Պետական IRIB հեռուստաալիքի կադրերում Բիրջանդ քաղաքում կազմակերպված հավաքն է, որտեղ լսելի են վանկարկումներ՝ «Մեր ազգը արթուն է և արհամարհում է ապստամբներին», «Մենք հեղափոխական զինվորներն ենք և արհամարհում ենք ապստամբներին»։
Իրանի կենտրոնական մասում գտնվող Արակ քաղաքում կազմակերպված հավաքին էլ լսելի է, թե ինչպես է ելույթ ունեցողներից մեկը հավաքվածներին ասում․ «Բոլորն էլ խնդիրներ ունեն, բայց նրանք թույլ չեն տալիս օտարերկրացիներին իրենց փոխարեն որոշումներ կայացնել: Նրանք թույլ չեն տալիս Ամերիկային և Իսրայելին իրենց փոխարեն որոշումներ կայացնել», – հաղորդում է Fars լրատվական գործակալությունը:
Թարգմանությունը՝ Էմմա Չոբանյանի
