27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Վինիսիուսն ընդհատել է առանց գոլի շարքն ու ռեկորդ կրկնել․ ՏԵՍԱՆՅՈՒԹ
12.01.2026 | 12:10
Մադրիդի «Ռեալի» բրազիլացի հարձակվող Վինիսիուս Ժունիորն ակումբային ռեկորդ է կրկնել Իսպանիայի Սուպերգավաթի խաղարկության եզրափակիչում կատալոնական «Բարսելոնային» խփած գոլի շնորհիվ։
25-ամյա ֆուտբոլիստը «Ռեալի» կազմում 16-րդ գոլային գործողությունն է կատարել եզրափակիչներում։ Վինիսիուսն անցկացրել է 16-րդ եզրափակիչը, ունի 10 գոլ ու 6 գոլային փոխանցում, հաղորդում է Opta-ն։
Այդ ցուցանիշով Վինիսիուսը կրկնել է Կրիշտիանու Ռոնալդուի, Կարիմ Բենզեմայի ու Ֆերենց Պուշկաշի ռեկորդը։ Բենզեման 16 գոլային գործողություն է կատարել 29 խաղում, Ռոնալդուն՝ 18 խաղում, իսկ Պուշկաշը՝ 8։
Սուպերգավաթի եզրափակիչում «Ռեալը» 2։3 հաշվով պարտվել էր «Բարսելոնային»։ Դրանից առաջ Վինիսիուսը գոլ չէր խփել 98 օր (17 խաղ անընդմեջ)։
