21.02.2026 | 23:53
11-ակի օլիմպիական չեմպիոն դարձած Յոհանես Կլեբոյի պատմական հաղթանակը․ ՏԵՍԱՆՅՈՒԹ
Դատախազությունը պահանջում է Սամվել Կարապետյանին կրկին կալանավայր վերադարձնել
Հասարակություն
12.01.2026 | 12:06
Դատախազությունը բողոքարկել է գործարար Սամվել Կարապետյանի նկատմամբ տնային կալանք և գրավ կիրառելու որոշումը և պահանջում է նրան կրկին կալանավայր տեղափոխել։ Այս մասին հայտնում է Կարապետյանի փաստաբան Արամ Վարդևանյանը։
«2026 թվականի հունվարի 5-ին, այսինքն՝ 2026 թվականի առաջին աշխատանքային օրը Գլխավոր դատախազության և Քննչական կոմիտեի կողմից կատարվել էր բացառապես երկու գործողություն․
1) Մուտքագրվել էր վերաքննիչ բողոք Սամվել Կարապետյանի տնային կալանքի որոշման դեմ, խնդրանք-պահանջ ներկայացնելով անպայման կալանավորել Սամվել Կարապետյանին,
2) մերժել Սամվել Կարապետյանի Մեռելոց հիշատակի օրը, իր հոր գերեզմանին այցելելու միջնորդությունը:
Մեր փաստաբանական թիմի կողմից ևս ներկայացվել է և դեռևս ներկայացվելու են վերաքննիչ բողոքներ տնային կալանքի որոշման դեմ, սակայն հարց է առաջանում իրավապահ մարմինները, երբ կալանքի ու տնային կալանքի իրավունքների սահմանափակման ինտենսիվության աստիճանները ըստ Սահմանադրական դատարանի և Եվրոպական դատարանի նույնական են, ավելին Սամվել Կարապետյանի նկատմամբ այն կիրառվել էր հնարավոր ու անհնար լրացուցիչ սահմանափակումներով՝ բողոքի հիմք, հիմնավորումն ինչպես պետք է ներկայացնեին: Պատասխանն ակնհայտ է, հիմնավորում չկա, հիմք չկա, բայց կա բացառապես ակնհայտ ապօրինի, իրավունքը նսեմացնող ու ժխտող դիրքորոշում, որ Սամվել Կարապետյանը լինի կալանավորված»,- գրել է Արամ Վարդևանյանը։
Նշենք, որ Սամվել Կարապետյանը 6 ամսից ավելի կալանքի տակ էր գտնվել։ 2025-ի տարեվերջին Հակակոռուպցիոն դատարանի դատավոր Սարգիս Պետրոսյանը որոշել է նրա կալանքը փոխել տնային կալանքով՝ համակցված գրավով, որի դեմ, փաստորեն Դատախազությունը բողոք է ներկայացրել։
Արաքս Մամուլյան
