07.09.2026 | 12:56
Սահակյանը նշանակվել է, Սիրունյանն ու Մկրտչյանը՝ վերանշանակվել․ Նիկոլ Փաշինյանը որոշումներ է ստորագրել
Հայտնի են 2026 թվականի «Ոսկե գլոբուս»-ի հաղթողները
Քաղաքականություն
12.01.2026 | 13:04
Փոլ Թոմաս Անդերսոնի «One Battle After Another» ֆիլմը լավագույնն է ճանաչվել 2026 թվականի «Ոսկե գլոբուս» մրցանակի «Մյուզիքլ կամ կատակերգություն» անվանակարգում, գրում է Meduza-ն։
Ֆիլմը նաև հաղթել է «Լավագույն ռեժիսոր», «Լավագույն սցենար» և «Երկրորդ պլանի լավագույն դերասանուհի» (Տիյանա Թեյլոր) անվանակարգերում։ Ֆիլմն առաջադրվել էր 9 անվանակարգերում և հաղթել 4-ում։
«Դրամա» անվանակարգում լավագույն ֆիլմի մրցանակը շնորհվել է Քլոե Չժաոյի «Համնետ» ֆիլմին։
Բրազիլական «Գաղտնի գործակալ» ֆիլմը հաղթել է «Լավագույն օտարալեզու ֆիլմ» անվանակարգում, իսկ «K-Pop դևերի որսորդները»՝ «Լավագույն անիմացիոն ֆիլմ»։ «Լավագույն դրամատիկ սերիալ» անվանակարգում հաղթել է «Փիթ հիվանդանոց»-ը, իսկ «Կինստուդիան»՝ «Լավագույն կատակերգական սերիալ» անվանակարգում։
Թիմոթի Շալամեն արժանացել է «Մյուզիքլում կամ կատակերգությունում լավագույն դերասան» մրցանակին «Marty Supreme» ֆիլմում իր դերի համար։ Սա նրա առաջին «Ոսկե գլոբուսն» էր։ Վագներ Մոուրան, որը նկարահանվել էր «Գաղտնի գործակալը» ֆիլմում, արժանացել է դրամայում լավագույն դերասանի մրցանակին։
Ռոուզ Բիրնը հաղթել է «Լավագույն դերասանուհի մյուզիքլում կամ կատակերգությունում» անվանակարգում «Ես կխփեի քեզ, եթե կարողանայի» ֆիլմում դերի համար, իսկ Ջեսի Բաքլին՝ «Լավագույն դերասանուհի դրամայում» անվանակարգում «Համնետ» ֆիլմում դերի համար։
Թարգմանությունը՝ Էմմա Չոբանյանի
