07.09.2026 | 13:33
Պուտինը զանգահարել է Ալիևին․ քննարկվել են առևտրատնտեսական ու հումանիտար հարցեր
Ժամկետ ասեք, բոլորը լսում են. Ավինյանը` Աջափնյակի մետրոյի կառուցման մասին․ ՏԵՍԱՆՅՈՒԹ
12.01.2026 | 11:13
Երևանի քաղաքապետ Տիգրան Ավինյանը քաղաքապետարանի այս տարվա առաջին գործակարգավարական խորհրդակցությանը խոսեց Աջափնյակի մետրոյի կայարանի կառուցման աշխատանքներից։
Ավինյանը հստակ ժամկետներ պահանջեց «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենի ժամանակավոր պաշտոնակատար Անետա Բաբայանից։
«Փաստաթղթի նախագծի պատրաստման ժամկետ, խնդրում եմ, ասեք, բոլորը լսում են ուղիղ եթերով: Փետրվարի առաջին գործակարգավարական նիստին զեկուցելու եք, որ քաղաքապետարանից նախագծի փաստաթուղթն ուղարկվել է կառավարություն»,- ասաց Տիգրան Ավինյանը։
Հիշեցնենք, որ 2026 թվականի համայնքային բյուջեով 2 միլիարդ դրամ նախատեսվել է Աջափնյակ վարչական շրջանի մետրոպոլիտենի նոր կայարանի կառուցման աշխատանքների մեկնարկի իրականացման համար։ 2025-ին այդ աշխատանքները ձախողվել են․ նախատեսված գումարի զգալի մասը, Տիգրան Ավինյանի խոսքով, ուղղվել է 45 նոր տրոլեյբուսների ձեռքբերմանը, որոնք քաղաքում կլինեն այս տարի։
Մանրամասները՝ տեսանյութում։
Արփի Հակոբյան
