27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Գուցե հրաժարվենք. չի կարող մանկապարտեզի նախագծման պրոցեսը տարիներ տևել. Ավինյան․ ՏԵՍԱՆՅՈՒԹ
Տնտեսություն
12.01.2026 | 10:45
Երևանի քաղաքապետարանի գործակարգավարական նիստի ժամանակ «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենի ժամանակավոր պաշտոնակատար Անետա Բաբայանը ներկայացրեց 2025-ին կատարված աշխատաքները։
Բաբայանի խոսքով՝ թիվ 78, 83, 100, 102, 103, 157 մանկապարտեզների վերանախագծման մրցույթները չեն կայացել։
«Եթե հիշում եք, մեզ աջակցում է նաև ՄԱԶԾ-ի (ՄԱԿ-ի զարգացման ծրագիր) ծրագիրը։ Տեխնիկական աջակցության շրջանակներում այս 6 մանկապարտեզների վերանախագծման ֆինանսավորումն իրենք են անում։ Հետևաբար, որպես կանոն մրցույթները հրապարակվում են իրենց ընթացակարգերով։ 4 անգամ հայտարարվել է և չի կայացել, և այսօր մենք իրենց հետ խոսում ենք այլընտրանքային մեթոդներով հնարավորինս հրատապ ապահովել մրցույթները»,- նշեց Բաբայանը։
Բաբայանի խոսքով տարբերակ է քննարկվում՝ եթե հնարավորություն կա՝ վերանախագծման ուղիղ պայմանագիր կնքել կամ էլ հարցը լուծել համայնքային միջոցներով։
Երևանի քաղաքապետ Տիգրան Ավինյանը կարծիք հայտնեց, որ գուցե պետք է հրաժարվել ֆինանսավորումից, և ըստ այդմ՝ համագործակցությունից։
«Չի կարող մեր մանկապարտեզի նախագծման պրոցեսը տարիներ տևել։ Այս դեպքում ժամանակը շատ ավելի կարևոր է, քան ֆինանսավորումը։ Եվ այս մի քանի մանկապարտեզի ֆինանսավորման հարցը մենք, վստահորեն, կարող ենք լուծել։ Հետևապես, խնդրում եմ գործընկերների հետ սեղմ ժամկետներում հասկանալ՝ մենք իրար հետ աշխատո՞ւմ ենք, թե՞ չենք աշխատում։ Կա՛մ ֆինանսավորման չափն է խնդիրը, որ 4 անգամ չի կայացել, կա՛մ ինչ-որ բան է գրված տեխառաջադրանքում, որը բոլոր նախագծողների մոտ ինչ-որ հարց է առաջացնում։ Այսինքն՝ ավելի լավ է այս ճանապարհով էլ չգնանք»,- ասաց Ավինյանը։
Բաբայանն էլ հավելեց, որ այդ ուղղությամբ աշխատում են։
Մանրամասները՝ տեսանյութում։
Արփի Հակոբյան
