12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
ԱՄՆ ցանկացած հարձակում կհանգեցնի Իսրայելի և Մերձավոր Արևելքում ամերիկյան ռազմաբազաների վրա պատասխան հարձակման. Իրանի խորհրդարանի խոսնակ
Քաղաքականություն
11.01.2026 | 21:12
Միացյալ Նահանգները ցանկացած հարձակում Իրանի վրա կհանգեցնի Իսրայելի և Մերձավոր Արևելքում գտնվող ամերիկյան ռազմական բազաների վրա հարձակումների՝ որպես «օրինական թիրախների»։
«Արմենպրես»-ի հաղորդմամբ, ինչպես հայտնում է Deutsche Welle-ն, այս մասին հայտարարել է Իրանի խորհրդարանի խոսնակ Մոհամմադ Բաղեր Ղալիբաֆը:
The Times of Israel-ը իր հերթին հաղորդում է, որ Իրանի հայտարարություններից հետո Իսրայելի զինված ուժերը բերվել են բարձր պատրաստվածության։
Ավելի վաղ, մեկնաբանելով Իրանում տեղի ունեցող զանգվածային բողոքի ցույցերը, ԱՄՆ նախագահը հայտարարել էր, որ երկիրը «ձգտում է ազատության, ինչպես երբեք» և զգուշացրել էր Թեհրանի իշխանություններին, որ ԱՄՆ-ն կարող է միջամտել, եթե կառավարությունը կրակ բացի խաղաղ ցուցարարների վրա: The New York Times-ի տվյալներով՝ վերջին օրերին ԱՄՆ զինվորականները Թրամփին ներկայացրել են Իրանի դեմ ռազմական հարվածների մի քանի տարբերակ։
Բողոքի ցույցերը Իրանում սկսվել են դեկտեմբերի 28-ին՝ տարածվելով Թեհրանում և տասնյակ քաղաքներում:
