16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Եթե բոլոր տղաներն առաջադրվեն ռեյտինգայինով, ապա ՀՀԿ-ն շատ լավ շանսեր կունենա. Մուրադ Մուրադյան
Քաղաքականություն
07.11.2018 | 18:44
Թեև Հանրապետական կուսակցությունը դեռևս պաշտոնապես չի հայտարարել ընտրություններին մասնակցել-չմասնակցելու իր որոշման մասին, բայց կուսակցության անդամները առանց ենթատեքստերի հայտնում են արտահերթ ընտրություններին մասնակցելու իրենց ցանկության մասին:
Ավելին՝ մեր տեղեկություններով ՀՀԿ ցուցակը գլխավորելու է Վիգեն Սարգսյանը, որը հնարավոր է առաջադրվի նաև ռեյտինգային ընտրակարգով: Ի դեպ նախօրենին ՀՀԿ խմբակցության պատգամավոր Կարեն Կարապետյանը տեղեկացրեց, որ ինքը չի մասնակցի ԱԺ արտահերթ ընտրություններին: Մամուլում, սակայն, լուրեր էին շրջանառվում, որ Կարապետյանը ռեյտինգային ընտրակարգով առաջադրվելու դեպքում բավարար ձայներ կապահովեր կուսակցության համար:
Նույն տրամաբանությամբ այժմ էլ շրջանառվում է Արարատի մարզից առաջադրված Մուրադ Մուրադյանի անունը, որի հետ ևս, ըստ մամուլի, ՀՀԿ-ն հույսեր է կապում:
Factor.am-ը զրուցել է Մուրադ Մուրադյանի հետ՝ պարզելու համար, թե ինչ է նա որոշել՝ առաջադրվելո՞ւ է ռեյտինգային ընտրակարգով, թե՞ ոչ:
-Պարո՛ն Մուրադյան, ինչ եք որոշել առաջդրվելո՞ւ եք ռեյտինգային ընտրակարգով, թե՞ ոչ:
-Դեռ որոշում չունեմ, սակայն եթե առաջադրվեմ՝ միանշանակ ռեյտինգայինով կառաջադրվեմ և Հանրապետականի կողմից: Որևէ այլ կուսակցությունում ես չեմ կարող լինել:
–Այսինքն՝ դուք բացառում եք, որ այլ կուսակցության ցուցակով կմասնակցեք ընտրություններին, այո՞:
-Չէ, չէ ես տենց բաներից հեռու եմ, հետո գրեն՝ գնաց, հետ եկավ և այլն: Իմ տարիքն էլ էն չի:
-Իսկ ինչպե՞ս եք գնահատում Հանրապետականի շանսերը:
-Եթե բոլոր տղաներն առաջադրվեն ռեյտինգայինով, ապա շատ լավ շանսեր կունենա Հանրապետականը: Իհարկե, նախկինի նման չի լինի, բայց նորմալ կլինի:
-Կարեն Կարապետյանն, օրինակ, հայտարարել է՝ չի մասնակցելու ընտրություններին:
-Ես չգիտեմ՝ ով ինչ է հայտարարել, բայց եթե բոլորն առաջադրվեն, շատ լավ կլինի:
-Իսկ մասնակցելո՞ւ եք ՀՀԿ-ի խորհրդի նիստին։
-Որ կանչեն, կմասնակցեմ, որ չկանչեն՝ ո՞նց մասնակցեմ: Ես այժմ որևէ տեղեկություն չունեմ այդ մասին:
Շողիկ Գալստյան
