Քաղաքականություն
09.01.2026 | 20:21
Իրանի արտաքին գործերի նախարար Աբբաս Արաղչին Միացյալ Նահանգներին և Իսրայելին մեղադրել է երկրում աճող բողոքի շարժումը խթանելու մեջ՝ միաժամանակ մերժելով ցուցարարների նկատմամբ բռնաճնշումների վերաբերյալ ԱՄՆ-ի նախազգուշացումներից հետո ուղղակի արտաքին ռազմական միջամտության հնարավորությունը, գրում է Al Arabiya-ն։
«Ահա թե ինչ են հայտարարել ամերիկացիներն ու իսրայելցիները, որ նրանք անմիջականորեն միջամտում են Իրանում տեղի ունեցող բողոքի ցույցերին։ Նրանք փորձում են խաղաղ բողոքի ակցիաները վերածել պառակտիչ և բռնի բողոքի ցույցերի»,- ,- Լիբանան կատարած այցի ընթացքում ասել է Արաղչին։
Նա հավելել է, որ «Իրանի դեմ ռազմական միջամտության հավանականությունը ցածր է, քանի որ դրանց նախորդ փորձերը լիակատար ձախողում են ունեցել»։
Ավելի վաղ Իրանի գերագույն հոգևոր առաջնորդ Ալի Խամենեին զգուշացրել էր ԱՄՆ նախագահ Դոնալդ Թրամփին՝ կհեռացնեն նրան՝ վկայակոչելով երկրում բողոքի ցույցերը։ Միաժամանակ, «արտասահմանյան աջակցություն ստացող ուժերին» նա մեղադրել էր Իրանն ապակայունացնելու փորձերի մեջ։
Թարգմանությունը՝ Էմմա Չոբանյանի
